തിരുവനന്തപുരം: ദേശീയ ലീഗര് സര്വീസസ് അതോറിറ്റി രാജ്യവ്യാപകമായി ഡിസംബര് 12 ന് ലോക് അദാലത്ത് സംഘടിപ്പിക്കുന്നു. ഇതിന്റെ ഭാഗമായി സംസ്ഥാനത്ത് കേരള ലീഗല് സര്വീസസ് അതോറിറ്റി നടത്തുന്ന ലോക് അദാലത്തിന്റെ സേവനം പൊതുജനങ്ങളും സര്ക്കാര് വകുപ്പുകളും മറ്റ് ബന്ധപ്പെട്ട അധികാര സ്ഥാപനങ്ങളും പ്രയോജനപ്പെടുത്തണമെന്ന് ഗവര്ണര് ജസ്റ്റീസ് പി. സദാശിവം ആവശ്യപ്പെട്ടു.
കോടതികളില് നിലവിലുള്ള കേസുകള്ക്കൊപ്പം സര്ക്കാരിന്റെയും മുനിസിപ്പല് റവന്യൂ അതോറിറ്റികള് നിയമപരമായ മറ്റ് അധികാരസ്ഥാനങ്ങള്, ബോര്ഡുകള്, ട്രിബ്യൂണലുകള് മുതലായവയുടെയും ഉദ്യോഗസ്ഥരുടെയും മുന്പാകെ തീര്പ്പാകാതെയുള്ള തര്ക്കങ്ങള് അദാലത്തില് ഉള്പ്പെടുത്താം. റവന്യൂ മേഖലയിലുള്ള തര്ക്കങ്ങളായ പോക്കുവരവ്, ഭൂനികുതി, കെട്ടിട നികുതി, വസ്തു നികുതി തുടങ്ങിയവയും വാണിജ്യ നികുതി സംബന്ധമായ വിഷയങ്ങള്, ബാങ്കിംഗ്-ഇന്ഷ്വറന്സ് മേഖലകളിലെ തര്ക്കങ്ങള്, വൈദ്യുതി, ജലം, സര്വീസ് കാര്യങ്ങള്, ട്രാഫിക് ചലാനുകള്, എക്സൈക്, ടെലഫോണ്, പെറ്റി ക്രിമിനല് കേസുകള്, മൈനിംഗ് തര്ക്കങ്ങള് എന്നിവയും ഈ അദാലത്തില് പരിഗണിക്കും. സര്വേയും അതിര്ത്തിയും സംബന്ധിച്ച തര്ക്കങ്ങള്, വിവിധ ഭൂനിയമങ്ങള്ക്കു കീഴില് തീര്പ്പാകാതെ കിടക്കുന്ന തര്ക്കങ്ങള്, വ്യവസായിക തര്ക്കങ്ങള്, തൊഴില് തര്ക്കങ്ങള്, ഉപഭോക്തൃ തര്ക്കങ്ങള്, തൊഴിലുറപ്പു പദ്ധതിയുമായി ബന്ധപ്പെട്ട തര്ക്കങ്ങള് തുടങ്ങിയവയും അദാലത്തില് പരിഗണിക്കും. വ്യവഹാര സാധ്യതയുള്ള വിഷയങ്ങളും അദാലത്തില് കൈകാര്യം ചെയ്യും. ആവശ്യമെങ്കില് അനുരഞ്ജന ചര്ച്ചകളും വ്യവഹാരം തീര്പ്പാക്കുന്നതിന് മുന്നോടിയായി നടത്തും. അദാലത്തുമായി ബന്ധപ്പെട്ട സേവനങ്ങളും സഹായങ്ങളും അതത് സ്ഥലത്തുള്ള കോടതിയുമായി ബന്ധപ്പെട്ട് പ്രവര്ത്തിക്കുന്ന ജില്ലാ ലീഗല് സര്വീസസ് അതോറിറ്റികള്, താലൂക്ക് ലീഗല് സര്വീസ് അതോറിറ്റികള്, താലൂക്ക് ലീഗല് സര്വീസ് കമ്മറ്റികള് എന്നിവിടങ്ങളില് നിന്ന് ലഭിക്കും. പൊതുജനങ്ങള് ഈ അവസരം പരമാവധി പ്രയോജനപ്പെടുത്തണമെന്നും ഗവര്ണര് ആവശ്യപ്പെട്ടു.
Discussion about this post