തിരുവനന്തപുരം: കേരള സന്ദര്ശനത്തിനെത്തിയ പ്രധാനമന്ത്രിക്ക് മുഖ്യമന്ത്രി ഉമ്മന് ചാണ്ടിയും മന്ത്രിമാരും ചേര്ന്ന് തിരുവനന്തപുരത്ത് വായുസേനയുടെ വിമാനത്താവളത്തില് യാത്രയയപ്പ് നല്കി. രണ്ട് ദിവസത്തെ കേരള സന്ദര്ശനത്തിനെത്തിയ പ്രധാനമന്ത്രി ചൊവ്വാഴ്ച വൈകിട്ട് 6.23 നാണ് ദില്ലിയിലേക്ക് പുറപ്പെട്ടത്.
വൈകിട്ട് 5.49 ന് വായുസേനയുടെ ഹെലികോപ്ടറില് വിമാനത്താവളത്തിലെത്തിയ പ്രധാനമന്ത്രി നരേന്ദ്ര മോദിയെ ഗവര്ണര് ജസ്റ്റിസ് പി. സദാശിവം, മുഖ്യമന്ത്രി ഉമ്മന് ചാണ്ടി, ചീഫ് സെക്രട്ടറി ജിജി തോംസണ് തുടങ്ങിയവര് ചേര്ന്നാണ് സ്വീകരിച്ചത്. ശിവഗിരിയില് നിന്നുമാണ് പ്രധാനമന്ത്രി തിരുവനന്തപുരത്ത് വിമാനത്താവളത്തില് എത്തിയത്. മുഖ്യമന്ത്രി ഉമ്മന് ചാണ്ടിയും മന്ത്രിമാരും ടെക്നിക്കല് ഏരിയയില് പ്രധാനമന്ത്രിയുമായി ചര്ച്ച നടത്തി. കേരളത്തിന്റെ വികസന പ്രശ്നങ്ങള് മുഖ്യമന്ത്രി പ്രധാനമന്ത്രിയോട് വങ്കുവച്ചു. പതിനാല് ഇന ആവശ്യങ്ങളാണ് മുഖ്യമന്ത്രി പ്രധാനമന്ത്രിക്ക് സമര്പ്പിച്ചത്. സ്പീക്കര് എന്. ശക്തന്, ഡപ്യൂട്ടി സ്പീക്കര് പാലോട് രവി, തിരുവനന്തപുരം മേയര് വി.കെ. പ്രശാന്ത്, മന്ത്രിമാര്, ഉന്നത പോലീസ് ഉദ്യോഗസ്ഥര്, വിവിധ വകുപ്പ് മേധാവികള് തുടങ്ങിയവര് യാത്രയയപ്പില് പങ്കെടുത്തു
Discussion about this post