തിരുവനന്തപുരം: ഏജന്സികള്ക്ക് അറ്റസ്റ്റേഷന് പ്രവര്ത്തനവുമായി ബന്ധപ്പെട്ട് പ്രവര്ത്തിക്കുന്നതിന് അംഗീകാരം നല്കിയ ഉത്തരവ് പരിഷ്കരിച്ച് ആഭ്യന്തര (അറ്റസ്റ്റേഷന്) വകുപ്പ് ഉത്തരവായി. ഇതുപ്രകാരം അറ്റസ്റ്റേഷന് പ്രവര്ത്തനവുമായി ബന്ധപ്പെട്ട ഏജന്സികള് തങ്ങളുടെ സ്ഥാപനത്തെ സംബന്ധിച്ച വിശദവിവരം അതത് ഏജന്സി സ്ഥാപിതമായ വര്ഷം, കഴിഞ്ഞ രണ്ട് വര്ഷത്തെ കാലയളവിലുള്ള റിക്രൂട്ട്മെന്റ് വിശദാംശം, ഏജന്സിയ്ക്ക് വേറെ ശാഖകളുണ്ടോ ഉണ്ടെങ്കില് എവിടെയെല്ലാം സാമ്പത്തിക സ്ഥിതി, ഓഫീസ് സ്ഥലം സംബന്ധിച്ച വിവരം, ജീവനക്കാരുടെ വിശദവിവരം, ഏജന്സിയുടെ പേരില് കേസുകള് എന്തെങ്കിലും നിലവിലുണ്ടോ രജിസ്ടേഷന്, അറ്റസ്റ്റേഷന് ജോലിയ്ക്ക് നിയോഗിക്കുന്നവരുടെ ലിസ്റ്റ് എന്നിവ സമര്പ്പിക്കണം.
ജീവനക്കാര് അറ്റസ്റ്റേഷനുമായി ബന്ധപ്പെട്ട ജോലികള്ക്ക് വരുമ്പോള് ഫോട്ടോ പതിച്ച തിരിച്ചറിയല് കാര്ഡ് കൈവശം കരുതേണ്ടതും ആവശ്യപ്പെടുന്ന പക്ഷം പരിശോധനയ്ക്ക് നല്കേണ്ടതുമാണ്. സര്ട്ടിഫിക്കറ്റ് ഉടമകള് അധികാരപ്പെടുത്തുന്ന വ്യക്തികള് എന്ന നിലയില് അറ്റസ്റ്റേഷന് പ്രവര്ത്തനവുമായി ബന്ധപ്പെട്ട് അനുമതി ലഭിച്ച/അനുമതി ലഭിക്കേണ്ട ഏജന്സികള്ക്ക് ഇനിപ്പറയുന്ന ഒന്നിലെങ്കിലും അംഗത്വം/അംഗീകാരം ഉണ്ടായിരിക്കണം. ടി.എ.എ.ഐ/ടി.എ.എഫ്.ഐ/ഐ.എ.ടി.ഒ., ഗവണ്മെന്റ് ഓഫ് ഇന്ത്യ മിനിസ്റ്ററി ഓഫ് ടൂറിസം/ഗവണ്മെന്റ് ഓഫ് ഇന്ത്യ മിനിസ്റ്ററി ഓഫ് ഓവര്സീസ്, ഇന്ത്യന് അഫയേഴ്സിന്റെ അംഗീകാരം, 1960 ലെ കേരള ഷോപ്പുകളും വാണിജ്യസ്ഥാപനങ്ങളും ആക്ട് പ്രകാരമുള്ള രജിസ്ട്രേഷന്. ഒരു ഏജന്സിക്ക് ഒരു ദിവസം സമര്പ്പിക്കാവുന്ന പരമാവധി അപേക്ഷകളുടെ എണ്ണം അഞ്ച് ആയി നിജപ്പെടുത്തിയിട്ടുണ്ട്. ഇപ്രകാരം സമര്പ്പിക്കുന്ന അപേക്ഷകളോടൊപ്പം സര്ട്ടിഫിക്കറ്റ് ഉടമകളുടെ അധികാരപത്രം അറ്റസ്റ്റേഷനായി സമര്പ്പിക്കുന്ന സര്ട്ടിഫിക്കറ്റുകളുടെ വിശദാംശങ്ങളടങ്ങിയ കവറിംഗ് ലെറ്റര്, സര്ട്ടിഫിക്കറ്റ് ഉടമകള്, ഏജന്റ് എന്നിവരുടെ ഫോണ് നമ്പര് എന്നിവ ഉണ്ടായിരിക്കണം. അപേക്ഷ നഷ്ടപ്പെടാതിരിക്കാനായി അവ ഒരുമിച്ച് ഫോള്ഡറിലിട്ട് സമര്പ്പിക്കണം.
ഏജന്റുമാരുടെ പ്രവര്ത്തനം സൂക്ഷ്മമായി നിരീക്ഷിക്കുന്നതിനും അറ്റസ്റ്റേഷന് ജോലിയില് ഏതെങ്കിലും വിധത്തില് തടസമുണ്ടാക്കുന്ന ഏജന്റുമാരെ ഈ പ്രവര്ത്തനത്തില് നിന്നും ഒഴിവാക്കുന്നതിനും സര്ക്കാരിന് അധികാരം ഉണ്ടായിരിക്കും.
Discussion about this post