തിരുവനന്തപുരം: 36-ാമത് സഹകരണ നിക്ഷേപ സമാഹരണ യജ്ഞം ജനുവരി ഒന്ന് മുതല് 31 വരെ സംഘടിപ്പിക്കും. സഹകരണ വായ്പാ മേഖലയിലെ നിക്ഷേപത്തോത് വര്ദ്ധിപ്പിക്കുന്നതിനും സംഘങ്ങളുടെ സാമ്പത്തികാടിത്തറ കൂടുതല് ശക്തമാക്കുന്നതിനുമാണ് നിക്ഷേപ സമാഹകരണ യജ്ഞം ലക്ഷ്യമാക്കുന്നതെന്ന് സഹകരണ വകുപ്പുമന്ത്രി സി.എന്.ബാലകൃഷ്ണന് പറഞ്ഞു.
സംസ്ഥാന സഹകരണ ബാങ്ക്, സംസ്ഥാന സഹകരണ കാര്ഷിക ഗ്രാമവികസന ബാങ്ക്, ജില്ലാ സഹകരണ ബാങ്കുകള്, പ്രാഥമിക കാര്ഷിക വായ്പാ സംഘങ്ങള് തുടങ്ങിയ നിക്ഷേപ-വായ്പാ സംഘങ്ങളെയും നിക്ഷേപം സ്വീകരിക്കുന്ന മറ്റു വായ്പേതര സഹകരണ സംഘങ്ങളെയും ഈ ക്യാമ്പയിനിന്റെ ഭാഗമാക്കിയിട്ടുണ്ട്. 6000 കോടി രൂപയാണ് നിക്ഷേപ സമാഹകരണത്തിലൂടെ ലക്ഷ്യമിടുന്നത്. ക്യാമ്പയിനിന്റെ വിജയകരമായ നടത്തിപ്പിനും ഏകോപനത്തിനുമായി താലൂക്ക്-ജില്ലാ-സംസ്ഥാന തലത്തില് സഹകരണ വകുപ്പുദ്യോഗസ്ഥര്, സംസ്ഥാന-സര്ക്കിള് സഹകരണ യൂണിയന് ഭാരവാഹികള്, സഹകരണ സംഘങ്ങളുടെയും ജീവനക്കാരുടെയും പ്രതിനിധികള് എന്നിവരുള്പ്പെടുന്ന വിവിധ ഏകോപന, മോണിറ്ററിംഗ് സമിതികള് രൂപീകരിച്ചിട്ടുണ്ട്.
Discussion about this post