തിരുവനന്തപുരം: ഗവ. സെക്രട്ടേറിയറ്റിലെ സ്ഥല ദൗര്ലഭ്യം പരിഗണച്ചുകൊണ്ട് പൊതുഭരണ വകുപ്പിന്റെ മേല്നോട്ടത്തില് പൊതുമരാമത്ത് വകുപ്പാണ് സെക്രട്ടേറിയറ്റ് അനക്സ് -2 -ന്റെ പണി പൂര്ത്തിയാക്കിയത്. ഏകദേശം 14,32,580 ചതുരശ്ര അടി വിസ്തീര്ണ്ണത്തില് എട്ട് നിലകളിലും ഒരു ബേസ്മെന്റിലും ആയി പരന്നുകിടക്കുന്ന ഈ കെട്ടിടത്തിന് ഏകദേശം അറുപത് കോടിയോളം രൂപ നിര്മ്മാണ പ്രവര്ത്തനത്തിനായി വകയിരുത്തി.
അത്യാധുനിക സൗകര്യങ്ങളും സജ്ജീകരണങ്ങളും ഉള്ള ഈ കെട്ടിടം എല്ലാ നിബന്ധനകളും ചട്ടങ്ങളും പാലിച്ചാണ് പണിതത്. പുതിയ അനക്സ് – 2 ലേക്ക് അഞ്ച് മന്ത്രിമാരും വകുപ്പ് സെക്രട്ടറിമാരും വകുപ്പുകളും ഉള്പ്പെടെ മാറും. ഓരോ വകുപ്പുകളും ഓരോ മിനിസ്ട്രികളായി പ്രവര്ത്തിക്കും. റവന്യൂ, ആരോഗ്യവും കുടുംബക്ഷേമവും, ആഭ്യന്തരവും വിജിലന്സും, വനം വന്യജീവി, വിദ്യാഭ്യാസം എന്നീ വകുപ്പുകളാണ് ഇങ്ങനെ പ്രവര്ത്തിക്കുക. ഓരോ വകുപ്പിന്റെയും ഓരോ സീറ്റുകള് വരെ വ്യക്തമായി ക്യാബിനുകള് വേര്തിരിച്ചാണ് പുതിയ കെട്ടിടത്തില് സൗകര്യം ഒരുക്കിയിരിക്കുന്നത്. നാല് കോണ്ഫറന്സ് ഹാള്, ഒരു വീഡിയോ കോണ്ഫറന്സ് ഹാള്, ഒരു റിക്രിയേഷന് ഹാള്, ഹെല്ത്ത് ക്ലബ്ബ്, കോഫി ഷോപ്പ്, ക്യാന്റീന് എ.ടി.എം കൗണ്ടര് എന്നിവയ്ക്കുള്ള സൗകര്യവും പുതിയ അനക്സില് ഒരുക്കിയിട്ടുണ്ട്. അത്യാധുനിക രീതിയിലുള്ള ശബ്ദസംവിധാനങ്ങളും മറ്റും കെട്ടിടത്തിലുടനീളമുണ്ട്. ഇരുനൂറോളം വാഹനങ്ങള് കെട്ടിടത്തിനടിയിലുള്ള കാര് പാര്ക്കില് പാര്ക്ക് ചെയ്യാം. അത്യാധുനിക രീതിയിലുള്ള അഗ്നിശമന സംവിധാനങ്ങളാണ് ഇവിടെ ഒരുക്കിയിട്ടുള്ളത്.
Discussion about this post