ജൈവവൈവിദ്ധ്യ പുരസ്‌കാരങ്ങള്‍ : ജനുവരി 20 വരെ അപേക്ഷിക്കാം

തിരുവനന്തപുരം: 2015 വര്‍ഷത്തെ ജൈവവൈവിധ്യ പുരസ്‌കാരങ്ങള്‍ക്ക് ജനുവരി 20 വരെ അപേക്ഷിക്കാം. മികച്ച ജൈവവൈവിദ്ധ്യ/ പരിസ്ഥിതി സംരക്ഷകന്‍, നാടന്‍ വിളയിനങ്ങളുടെ/ വളര്‍ത്തുമൃഗയിനങ്ങളുടെ സംരക്ഷകന്‍, പരമ്പരാഗത നാട്ടറിവുകളുടെ സംരക്ഷകന്‍, ജൈവവൈവിദ്ധ്യം/പരിസ്ഥിതിയുമായി ബന്ധപ്പെട്ട വാര്‍ത്തകള്‍/ഫീച്ചറുകള്‍ പ്രസിദ്ധീകരിച്ച പത്രവാര്‍ത്തകള്‍ (ഇംഗ്ലീഷ്, മലയാളം), ഈ വിഷയങ്ങളുമായി ബന്ധപ്പെട്ട മികച്ച ടി. വി റിപ്പോര്‍ട്ട് / ഡോക്യുമെന്ററി, ജൈവവൈവിദ്ധ്യ സംരക്ഷണവുമായി ബന്ധപ്പെട്ട മികച്ച ഗവേഷകന്‍, മികച്ച ജൈവകര്‍ഷകന്‍, മികച്ച ജൈവവൈവിദ്ധ്യ പരിപാലന സമിതി, മികച്ച ജൈവവൈവിദ്ധ്യ ക്ലബ്ബ്, മികച്ച ജൈവവൈവിദ്ധ്യ പരിസ്ഥിതി സംഘടന, ജൈവവൈവിദ്ധ്യ/പരിസ്ഥിതി സംരക്ഷണ പ്രവര്‍ത്തനങ്ങള്‍ നടത്തുന്ന മികച്ച സ്‌കൂള്‍, കോളേജ് എന്നിവയ്ക്ക് സംസ്ഥാന ജൈവവൈവിദ്ധ്യ പുരസ്‌കാരങ്ങള്‍ നല്‍കും. അപേക്ഷയും അനുബന്ധ രേഖകളും ജനുവരി 20-ന് മുമ്പ് ചുവടെ പറയുന്ന വിലാസത്തില്‍ ലഭിച്ചിരിക്കണം. മെമ്പര്‍ സെക്രട്ടറി, കേരള സംസ്ഥാന ജൈവവൈവിദ്ധ്യ ബോര്‍ഡ്, എല്‍-14 ജയ് നഗര്‍, മെഡിക്കല്‍ കോളേജ് പി. ഒ, തിരുവനന്തപുരം- 695011 ഫോണ്‍ നമ്പര്‍ 0471-2553135, 2554740 വെബ് സൈറ്റ് www.keralabiodiversity.org