തിരുവനന്തപുരം: സംസ്ഥാനത്ത് പകല് താപനില ക്രമാതീതമായി ഉയരുന്നതിനാല് വെയിലത്ത് പണിയെടുക്കുന്ന തൊഴിലാളികള്ക്ക് സൂര്യാഘാതം ഏല്ക്കുന്നതിനുള്ള സാഹചര്യമുള്ള തിനാല് ഫെബ്രുവരി 27 മുതല് ഏപ്രില് 30 വരെ ജോലി സമയം പുന:ക്രമീകരിച്ച് ലേബര് കമ്മീഷണര് ഉത്തരവ് പുറപ്പെടുവിച്ചു.
ജോലി സമയം രാവിലെ ഏഴു മുതല് വൈകുന്നേരം ഏഴ് മണി വരെയുള്ള സമയത്തിനുള്ളില് എട്ടു മണിക്കൂറായി നിജപ്പെടുത്തി. പകല് ഷിഫ്ടില് ജോലി ചെയ്യുന്നവര്ക്ക് ഉച്ചയ്ക്ക് 12 മണി മുതല് മൂന്നു മണി വരെ വിശ്രമ വേളയും രാവിലെയും ഉച്ചയ്ക്കു ശേഷവും ഉള്ള ഷിഫ്റ്റുകളിലെ ജോലി സമയം ഉച്ചയ്ക്ക് പന്ത്രണ്ട് മണിക്ക് അവസാനിക്കുന്ന പ്രകാരവും വൈകുന്നേരം മൂന്നു മണിക്ക് ആരംഭിക്കുന്ന പ്രകാരവും ഉത്തരവായി.
