തിരുവനന്തപുരം: സംസ്ഥാന ശാസ്ത്ര സാങ്കേതിക പരിസ്ഥിതി കൗണ്സിലിന്റെ 2015 ലേക്കുളള ശാസ്ത്ര സാഹിത്യ അവാര്ഡിന് അപേക്ഷകള്/നാമനിര്ദ്ദേശങ്ങള് ക്ഷണിച്ചു. മലയാള സാഹിത്യത്തിലൂടെ ശാസ്ത്ര വിഷയങ്ങളെ ജനകീയവത്കരിക്കുന്നതില് ഗണ്യമായ സംഭാവനകള് നല്കിയിട്ടുളള വ്യക്തികള്ക്കാണ് പുരസ്കാരം.
2015 ല് പ്രസിദ്ധീകരിച്ചതും ജനങ്ങളില് ശാസ്ത്രാവബോധം വളര്ത്താന് സഹായകമായതും അന്വേഷണാത്മകമായതുമായ രചനകളാണ് പുരസ്കാരത്തിനായിപരിഗണിക്കുക. ബാലശാസ്ത്ര സാഹിത്യം, ഗഹനമായ വൈജ്ഞാനിക ശാസ്ത്ര സാഹിത്യം, ജനപ്രിയ ശാസ്ത്ര സാഹിത്യം, ശാസ്ത്ര പത്രപ്രവര്ത്തനം, ശാസ്ത്രഗ്രന്ഥ വിവര്ത്തനം (മലയാളം) എന്നീ അഞ്ചു വിഭാഗങ്ങളിലാണ് അവാര്ഡ്. അന്പതിനായിരം രൂപയും ഫലകവും പ്രശസ്തിപത്രവും അടങ്ങുന്നതാണ് അവാര്ഡ് . അപേക്ഷ ഫോറവും നിബന്ധനകളും www.kscste.kerala.gov.in ല് ലഭിക്കും. നിര്ദ്ദിഷ്ട ഫോറത്തില് തയ്യാറാക്കിയ അപേക്ഷ സാഹിത്യ സൃഷ്ടികളുടെ മൂന്ന് പകര്പ്പുകള്, ബയോഡേറ്റ, ശാസ്ത്ര സാഹിത്യ രംഗത്ത് നല്കിയിട്ടുളള സംഭാവനകളുടെ രേഖകളുടെ ശരി പകര്പ്പുകള് സഹിതം ഡയറക്ടര്, കേരള ശാസ്ത്ര സാങ്കേതിക പരിസ്ഥിതി കൗണ്സില്, ശാസ്ത്ര ഭവന്, പട്ടം, തിരുവനന്തപുരം 695004 വിലാസത്തില് സമര്പ്പിക്കണം അപേക്ഷ ലഭിക്കേണ്ട അവസാന തീയതി ജൂണ് 30.
Discussion about this post