തിരുവനന്തപുരം: ഫ്രഞ്ച് സര്ക്കാരിന്റെ ഷെവലിയാര് പുരസ്കാരം നേടിയ പ്രശസ്ത നടന് കമല്ഹാസനെ മുഖ്യമന്ത്രി പിണറായി വിജയന് അഭിനന്ദിച്ചു.
ബഹുമുഖ പ്രതിഭയിലൂടെ ഇന്ഡ്യന് സിനിമയെ ലോക സിനിമയുടെ നെറുകയില് എത്തിച്ചതിനാലാണ് ഫ്രഞ്ച് സര്ക്കാരിന്റെ ലീജിയന് ഓഫ് ഹോണര് അവാര്ഡ് കമല്ഹാസന് ലഭിച്ചത്. ഇന്ഡ്യന് സിനിമയുടെ അഭിമാനം അതിരുകളില്ലാതെ ചക്രവാളത്തിലേക്ക് ഉയര്ത്തുന്നതിന് ഈ അവാര്ഡിന് സാധിച്ചു. ഈ പുരസ്കാരം ആരാധകര്ക്കും അഭ്യുദയകാംക്ഷികള്ക്കും സമര്പ്പിച്ചത് വഴി താങ്കളുടെ വിനയമാണ് പ്രകടമാകുന്നത്. കേരളത്തിലെ മുഴുവന് ജനങ്ങളുടെയും പേരില് അഭിനന്ദിക്കുന്നുവെന്ന് കമലഹാസന് അയച്ച കത്തില് മുഖ്യമന്ത്രി പറഞ്ഞു.
Discussion about this post