ന്യൂഡല്ഹി: ഇന്ത്യന് മാദ്ധ്യമങ്ങള്ക്ക് പാകിസ്ഥാനില് വിലക്ക് ഏര്പ്പെടുത്തി. ഡി.റ്റി.എച്ച് വഴിയുള്ള ഇന്ത്യന് ചാനലുകളുടെ സംപ്രേഷണം പാകിസ്ഥാന് ഇലക്ട്രോണിക് റെഗുലേറ്ററി മീഡിയ അതോറിറ്റി നിരോധിച്ചു. ഇന്ത്യന് ചാനലുകളുടെ ഡി.റ്റി.എച്ച് ഡീകോഡറുകള് വില്ക്കുന്നവര്ക്കെതിരെ നടപടിയെടുക്കാനും അതോരിറ്റിയുടെ നിര്ദ്ദേശം. ബലൂചി ഭാഷയില് ആകാശവാണി പ്രക്ഷേപണം ആരംഭിക്കുന്നതിന്റെ പിന്നാലെയാണ് നിരോധനം.
പാകിസ്ഥാനില് ഡി.ടി.എച്ച് സേവനങ്ങള് നിയന്ത്രിതമായി പുനരാരംഭിക്കുന്നതിന്റെ ഭാഗമായാണ് നിരോധനം എന്നാണ് പാകിസ്ഥാന് ഇലക്ട്രോണിക് റെഗുലേറ്ററി മീഡിയ അതോറിറ്റി ചെയര്മാന് അബ്സര് ആലത്തിന്റെ വിശദീകരണം. ഡി.ടി.എച്ച് വഴിയുള്ള ഇന്ത്യന് ചാനലുകളുടെ സംപ്രേഷണം നിരോധിക്കുന്നതായി പാകിസ്ഥാന് ഇലക്ട്രോണിക് റെഗുലേറ്ററി മീഡിയ അതോരിറ്റിയാണ് അറിയിച്ചത്.
പാകിസ്ഥാനിലെ നിയമങ്ങള് പാലിക്കാതെ അമിതമായി വിദേശ ഉള്ളടക്കമുള്ള പരിപാടികള് സംപ്രേഷണം നടത്തുന്നതു കൊണ്ടാണ് വിലക്കേര്പ്പെടുത്തുന്നതെന്ന് അധികൃതര് ആരോപിക്കുന്നു. ഇതു സംബന്ധിച്ച് നിരവധി പ്രേക്ഷകരുടെ പരാതികള് അതോരിറ്റിക്ക് ലഭിച്ചതായും അവര് പറയുന്നു. ഇന്ത്യന് ചാനലുകളുടെ ഡികോഡര് വില്ക്കുന്നവര്ക്കെതിരെയും നടപടിയെടുക്കണമെന്ന് അതോരിറ്റി നിര്ദ്ദേശിച്ചിട്ടുണ്ട്. ഏതാണ്ട് 30 ലക്ഷത്തില്ധികം ഇന്ത്യന് ഡി.ടി.എച്ച് ഡീകോഡറുകള് പാകിസ്ഥാനില് ഉണ്ടെന്നാണ് വിവരം.
എന്നാല് ബലൂച് ഭാഷയില് പ്രക്ഷേപണം ആരംഭിക്കുന്നതിനായി ആകാശവാണിയ്ക്ക് കേന്ദ്ര സര്ക്കാര് കഴിഞ്ഞ ദിവസം അനുമതി നല്കിയിരുന്നു. ഇതിനുള്ള മറുപടിയെന്ന വണ്ണമാണ് ഇന്ത്യന് ചാനലുകള്ക്ക് നിരോധനം ഏര്പ്പെടുത്താനുള്ള പാകിസ്ഥാന്റെ നടപടിയെന്നാന് വിലയിരുത്തല്. ബലൂചിയിലെ സ്വാതന്ത്ര പ്രക്ഷോഭത്തിന് പിന്തുണ പ്രഖ്യാപിച്ചുള്ള പ്രധാനമന്ത്രിയുടെ സ്വാതന്ത്ര ദിന പ്രസംഗത്തെ തുടര്ന്നാണ് ബലൂചിസ്ഥാനില് പ്രാപ്യമായ വിധത്തില് ബലൂച് ഭാഷയില് പ്രക്ഷേപണം നടത്താന് ആകാശവാണി നീക്കമാരംഭിച്ചത്.
Discussion about this post