ശബരിമല: രണ്ടു ദശാബ്ദ കാലത്തിനിടയില് നടന്ന ഏറ്റവും കൃത്യതയാര്ന്നതും തൃപ്തികരവുമായ മണ്ഡല മകരവിളക്ക് മഹോത്സവമാണിത്തവണത്തേതെന്ന് ദേവസ്വം മന്ത്രി കടകംപള്ളി സുരേന്ദ്രന് പറഞ്ഞു. മകരസംക്രമ പൂജയ്ക്ക് ശേഷം സന്നിധാനത്ത് മാധ്യമ പ്രവര്ത്തകരുമായി സംസാരിക്കുകയായിരുന്നു അദ്ദേഹം.
സര്ക്കാര് വകുപ്പുകളുടെ പ്രവര്ത്തനം മികച്ച രീതിയില് ഏകോപിപ്പിക്കാന് കഴിഞ്ഞത് ഇത്തവണത്തെ ഏറ്റവും വലിയ നേട്ടമായെന്ന് അദ്ദേഹം പറഞ്ഞു. അന്നദാനം വിപുലമായ രീതിയില് നടത്താനായി. മകരവിളക്ക് കഴിഞ്ഞാലുടന് ശുചീകരണ പ്രവര്ത്തനങ്ങളും ക്ഷേത്രത്തിന്റെ മറ്റു വികസന പ്രവര്ത്തനങ്ങളും ആരംഭിക്കും. കേന്ദ്രസര്ക്കാരില് നിന്ന് വനഭൂമി വിട്ടുകിട്ടാനായി പരമാവധി സമ്മര്ദ്ദം ചെലുത്തുമെന്നും മന്ത്രി പറഞ്ഞു.
Discussion about this post