തിരുവനന്തപുരം: ഗസ്റ്റ് ഹൗസുകളുടെയും പിഡബ്ല്യൂഡി റസ്റ്റ് ഹൗസുകളുടെയും അറ്റകുറ്റപ്പണി കൃത്യമായി നടത്താനും എല്ലാവിഭാഗം ജീവനക്കാര്ക്കും പരിശീലനം നല്കാനും മുഖ്യമന്ത്രി പിണറായി വിജയന് ടൂറിസം, പിഡബ്ല്യൂഡി വകുപ്പുകള്ക്ക് നിര്ദേശം നല്കി. ഗസ്റ്റ് ഹൗസുകളുടെയും റസ്റ്റ് ഹൗസുകളുടെയും പ്രവര്ത്തനം മുഖ്യമന്ത്രിയുടെ അധ്യക്ഷതയില് ചൊവ്വാഴ്ച ചേര്ന്ന ഉന്നതതല യോഗം അവലോകനം ചെയ്തു.
മിക്ക ഗസ്റ്റ് ഹൗസുകളുടെയും റസ്റ്റ് ഹൗസുകളുടെയും നില മോശമാണെന്ന് മുഖ്യമന്ത്രി ചൂണ്ടിക്കാട്ടി. ഗസ്റ്റ് ഹൗസുകളും റസ്റ്റ് ഹൗസുകളും കേരളത്തിന്റെ മുഖമാണെന്ന് കണ്ട് മാറ്റങ്ങള് വരുത്തണം. ചെറിയ അറ്റകുറ്റപ്പണികള് നടത്തുന്നതിന് ഗസ്റ്റ് ഹൗസ്, റസ്റ്റ് ഹൗസ് മാനേജര്മാര്ക്ക് അധികാരം നല്കുന്ന കാര്യം പരിശോധിക്കണം. ജീവനക്കാരുടെ ആതിഥ്യമര്യാദ മെച്ചപ്പെടണം. അവര്ക്ക് കൃത്യമായ ഇടവേളകളില് പരിശീലനം നല്കണം.
അറ്റകുറ്റപ്പണികളും നവീകരണവും നടത്തുമ്പോള് ഗുണനിലവാരം ഉറപ്പാക്കണം. എന്നാല് ധൂര്ത്ത് പാടില്ല. ഗസ്റ്റ് ഹൗസുകുളിലെ ഫര്ണിച്ചര് ഉള്പ്പെടെയുളള വസ്തുക്കള് വൃത്തിയായി സൂക്ഷിക്കണം. യോഗത്തില് പൊതുമരാമത്ത് മന്ത്രി ജി സുധാകരനും പങ്കെടുത്തു. എട്ട് പ്രധാന ഗസ്റ്റ് ഹൗസുകളുടെ നവീകരണത്തിന് അനുമതി നല്കിക്കഴിഞ്ഞതായി ടൂറിസം സെക്രട്ടറി ഡോ.വി.വേണു അറിയിച്ചു. ബാക്കി പ്രവൃത്തി 201718ല് ചെയ്യും.
മോശമായ ടവ്വല്, വിരി, പുതപ്പ്, ഫര്ണിഷിങ് തുണി എന്നിവ മാറ്റിയിട്ടുണ്ട്. പിഡബ്ല്യൂഡി സെക്രട്ടറി ആശ തോമസ്, ടൂറിസം ഡയറക്ടര് പി. ബാലകിരണ് എന്നിവരും യോഗത്തില് പങ്കെടുത്തു.
Discussion about this post