തിരുവനന്തപുരം: രാരേഖകളും ചരിത്രവും സംബന്ധിച്ച് ജനങ്ങളില് അവബോധം വളരണമെന്ന് പുരാവസ്തുപുരാരേഖാമ്യൂസിയം വകുപ്പ് മന്ത്രി രാമചന്ദ്രന് കടന്നപ്പള്ളി അഭിപ്രായപ്പെട്ടു. പുരാരേഖാ വകുപ്പിന്റെ ‘ആര്ക്കൈവ്സ് വിഷന് 2020’ കര്മ്മപദ്ധതിയുടെ ഉദ്ഘാടനം നിര്വഹിച്ചുസംസാരിക്കുകയായിരുന്നു അദ്ദേഹം.
പുതുതലമുറ ഇതിന്റെ പ്രാധാന്യം തിരിച്ചറിയണം. അവരില് ഇക്കാര്യത്തിലുള്ള താത്പര്യം വളര്ത്തി അജ്ഞത മാറണം. വര്ത്തമാനകാലം മാത്രമല്ല, ഭൂതകാലത്തെക്കുറിച്ചും അറിവ് നേടേണ്ടത് ആവശ്യമാണ്. പുരാരേഖകള് സംസ്കാരത്തിന്റെ ഭാഗമാണ്. അവ സൂക്ഷിക്കാനും സംരക്ഷിക്കാനുമുള്ള മനോഭാവം കൂടുതലുണ്ടാകണം. വകുപ്പിന്റെ മ്യൂസിയം ലോകനിലവാരമുള്ള ചരിത്രരേഖകളും ഒരുകോടിയില്പ്പരം താളിയോലകളുമായി സമ്പന്നമാണ്. ഇക്കാര്യങ്ങള് അടുത്തറിയാന് ജനങ്ങള് തയാറാകണം. ഇതിന് ആവശ്യമായ നടപടികളുമായി മുന്നോട്ടുപോകും. വകുപ്പിന്റെ പ്രവര്ത്തനങ്ങളും അറിവുകളും ജനങ്ങളിലെത്തിക്കുന്ന മന്ത്രി കൂട്ടിച്ചേര്ത്തു. വകുപ്പിന്റെ ബ്രോഷറിന്റെ പ്രകാശനവും, ലോക പൈതൃകദിനാചരണത്തോടനുബന്ധിച്ച് പുരാരേഖ സംബന്ധിച്ച മികച്ച വാര്ത്തകള് ചെയ്ത മാധ്യമപ്രവര്ത്തകര്ക്കുള്ള പുരസ്കാരവിതരണവും മന്ത്രി നിര്വഹിച്ചു.
ചടങ്ങില് ചരിത്രകാരനും താളിയോല മ്യൂസിയം സാങ്കേതിക ഉപദേശക സമിതി ചെയര്മാന് എം.ആര്. രാഘവ വാര്യര് അധ്യക്ഷത വഹിച്ചു. താളിയോല മ്യൂസിയം സാങ്കേതിക ഉപദേശക സമിതി അംഗം മലയിന്കീഴ് ഗോപാലകൃഷ്ണന് മുഖ്യപ്രഭാഷണം നടത്തി.
Discussion about this post