തിരുവനന്തപുരം: ലോക പുകയില വിരുദ്ധദിനമായ മേയ് 31 ന് എക്സൈസ് വകുപ്പും വിമുക്തി മിഷനും പുകയില വിരുദ്ധ ദിനാചരണം സംഘടിപ്പിക്കും. സംസ്ഥാനതല ഉദ്ഘാടനം തിരുവനന്തപുരം വി.ജെ.ടി. ഹാളില് എക്സൈസ് വകുപ്പ് മന്ത്രി ടി.പി. രാമകൃഷ്ണന് നിര്വഹിക്കും. എക്സൈസ് കമ്മീഷണര്, നികുതി വകുപ്പ് അഡീഷണല് ചീഫ് സെക്രട്ടറി, മേയര്, എം.എല്.എ, ജില്ലാ പഞ്ചായത്ത് പ്രസിഡന്റ് തുടങ്ങിയവര് പങ്കെടുക്കും.
പരിപാടിയോടനുബന്ധിച്ച് പൊതുജനങ്ങള്ക്ക് പൊതുക്യാന്വാസില് പുകയിലവിരുദ്ധ ചിത്രങ്ങള് വരയ്ക്കുന്നതിനുള്ള അവസരം ഒരുക്കിയിട്ടുണ്ട്. കൂടാതെ പുകയില ഉപയോഗത്തിന്റെ ദൂഷ്യഫലങ്ങള് സംബന്ധിച്ച് ആര്.സി.സി പാലിയേറ്റീവ് കെയര് ആര്.എം.ഒ ഡോ. സി.വി. പ്രശാന്തിന്റെ ക്ലാസും, എക്സൈസ് വകുപ്പിലെ കലാകാരന്മാര് പങ്കെടുക്കുന്ന ലഹരിക്കെതിരെയുള്ള നാടകവും നഗരത്തിന്റെ വിവിധ ഭാഗങ്ങളില് ബോധവത്കരണത്തിന്റെ ഭാഗമായി ലഹരി വിരുദ്ധ സന്ദശം പ്രചരിപ്പിക്കുന്ന കൈയ്യുറ പാവനാടകവും ഉണ്ടായിരിക്കും.
Discussion about this post