ലൈഫ് മിഷന്‍ ഗുണഭോക്താക്കളുടെ കരട് ലിസ്റ്റ് പ്രസിദ്ധീകരിക്കുന്നു

തിരുവനന്തപുരം: സംസ്ഥാന സര്‍ക്കാരിന്റെ സമ്പൂര്‍ണ പാര്‍പ്പിട പദ്ധതിയായ ലൈഫ് മിഷന്‍ മുഖേന തോട്ടം മേഖലയിലെ ഭവന രഹിതരായ തൊഴിലാളികള്‍ക്കും, തോട്ടത്തില്‍ നിന്ന് വിരമിച്ചിട്ടും ലയങ്ങളില്‍ കഴിയുന്ന തൊഴിലാളികള്‍ക്കും വീട് വയ്ക്കുന്നതിന് ഗുണഭോക്താക്കളുടെ കരട് ലിസ്റ്റ് പ്രസിദ്ധീകരിക്കുന്നു. ഗുണഭോക്താക്കള്‍ ഫോട്ടോ, ബാങ്ക് അക്കൗണ്ട് വിവരങ്ങള്‍, ആധാര്‍ കാര്‍ഡ്, റേഷന്‍ കാര്‍ഡ്, മറ്റെന്തെങ്കിലും രേഖകള്‍ ഉണ്ടെങ്കില്‍ അവയുടെ പകര്‍പ്പുകള്‍, സ്വന്തമായി സ്ഥലമുളളവര്‍ സ്ഥലത്തിന്റെ വിവരം, സര്‍വേ നമ്പര്‍, കരം തീര്‍ത്ത രസീത് എന്നിയുടെ പകര്‍പ്പ് ബന്ധപ്പെട്ട ഇന്‍സ്‌പെക്ടര്‍ ഓഫ് പ്ലാന്റേഷന്‍സ് ഓഫീസുകളില്‍ നല്‍കണം.

ഓരോ ഗുണഭോക്താവും നല്‍കുന്ന വിവരങ്ങള്‍ സത്യസന്ധമാണെന്ന് സ്വയമോ മാനേജ്‌മെന്റ് വഴിയോ സാക്ഷ്യപത്രം സമര്‍പ്പിക്കണം. ജൂണ്‍ 14 വരെ ബന്ധപ്പെട്ട ഇന്‍സ്‌പെക്ടര്‍ ഓഫ് പ്ലാന്റേഷന്‍സ് ഓഫീസുകളില്‍ നേരിട്ടെത്തി അപേക്ഷ നല്‍കാം. ഭവനം ഫൗണ്ടേഷന്‍ ഓഫ് കേരള മുഖാന്തരം നടത്തിയ സര്‍വേയില്‍ ഉള്‍പ്പെട്ട തോട്ടത്തിലെ തൊഴിലാളികള്‍ക്കും, സര്‍വേയില്‍ പങ്കെടുക്കാത്തവര്‍ക്കും രേഖകള്‍ ഇന്‍സ്‌പെക്ടര്‍ ഓഫ് പ്ലാന്റേഷന്‍ ഓഫീസില്‍ സമര്‍പ്പിക്കാം. സംശയനിവാരണത്തിനായി ബന്ധപ്പെട്ട 11 ഇന്‍സ്‌പെക്ടര്‍ ഓഫ് പ്ലാന്റേഷന്‍ ഓഫീസുകളില്‍ ഫോണ്‍ മുഖാന്തരമോ, നേരിട്ടോ ബന്ധപ്പെടാമെന്ന് ചീഫ് ഇന്‍സ്‌പെക്ടര്‍ ഓഫ് പ്ലാന്റേഷന്‍ അറിയിച്ചു.

നെടുമങ്ങാട്: 0472 2802032, പത്തനാപുരം: 0475 2352551, പത്തനംതിട്ട: 0468 2223069, പീരുമേട്: 04869 233878, വണ്ടന്‍മേട്: 04868 234001, മൂന്നാര്‍:04865 232565, ആലുവ: 0484 2620284, നെന്മാറ: 04923 244070, മഞ്ചേരി:0483 2760204, കല്‍പ്പറ്റ: 04936 204646, മാനന്തവാടി: 04935 241072