തിരുവനന്തപുരം: സംസ്ഥാനത്ത് പകര്ച്ചപ്പനിയെക്കുറിച്ച് ജനങ്ങളില് കൃത്യമായ ബോധവത്കരണം നടത്തുന്നതിനും ചികില്സയുമായി ബന്ധപ്പെട്ട് ജനങ്ങള്ക്ക് പരാതികള് അറിയിക്കുന്നതിനും പകര്ച്ചപ്പനി നിവാരണ പ്രവര്ത്തനങ്ങള് ഏകോപിപ്പിക്കുന്നതിനുമായി എല്ലാ ജില്ലകളിലും 24 മണിക്കൂറും പ്രവര്ത്തിക്കുന്ന മോണിറ്ററിംഗ് സെല്ലുകള് ആരംഭിക്കുമെന്ന് ആരോഗ്യമന്ത്രി കെ.കെ. ശൈലജ അറിയിച്ചു. സംസ്ഥാനതലത്തിലും ജില്ലാതലത്തിലുമുള്ള മോണിറ്ററിംഗ് സെല്ലുകള് ഏകോപിപ്പിക്കാന് ആരോഗ്യമന്ത്രിയുടെ ഓഫീസില് പ്രത്യേക സംവിധാനം ഏര്പ്പെടുത്തിയിട്ടുണ്ട്.
പൊതുജനാരോഗ്യ പ്രവര്ത്തനങ്ങള്, ആശുപത്രികളിലെ മരുന്നു ലഭ്യത, രോഗീ പരിചരണം, ആശുപത്രികളിലെ ശുചിത്വനിലവാരം തുടങ്ങി ജനങ്ങള്ക്ക് അനുഭവപ്പെടുന്ന ബുദ്ധിമുട്ടുകളോ പരാതിയോ ഏത് സമയത്തും മോണിറ്ററിംഗ് സെല്ലില് അറിയിക്കാം. സംസ്ഥാനതലത്തില് ‘ദിശ’യുടെ നമ്പറായ 1056 ടോള് ഫ്രീ, 04712552056 (വോഡാഫോണ്, എയര്ടെല്) വഴിയും, ജില്ലകളില് പ്രത്യേകമായി ലഭ്യമാക്കിയിട്ടുള്ള നമ്പറുകള് വഴിയും പൊതുജനങ്ങള്ക്ക് പരാതികള് അറിയിക്കാം. ലഭിച്ച പരാതികള് ഓരോ പഞ്ചായത്തുകളിലും പ്രത്യേകമായി ചുമതലപ്പെടുത്തിയ നോഡല് ഓഫീസറെ അറിയിക്കുകയും പരാതികള് അന്വേഷിച്ച് എടുത്ത നടപടികള് ബന്ധപ്പെട്ട ജില്ലാ, സംസ്ഥാന ഉദ്യോഗസ്ഥര്ക്ക് റിപ്പോര്ട്ട് ചെയ്യുന്നതുമാണ്. ലഭിച്ച പരാതികളും അതിന്മേല് സ്വീകരിച്ച നടപടികളും ആരോഗ്യവകുപ്പ് മന്ത്രിയുടെ ഓഫീസില് പ്രത്യേകമായി തയാറാക്കിയ സെല്ലില് ഓരോ ദിവസവും രേഖപ്പെടുത്തുകയും വിലയിരുത്തുകയും ചെയ്യുമെന്ന് മന്ത്രി അറിയിച്ചു.
ജില്ലകളിലെ മോണിറ്ററിംഗ് സെല് നമ്പറുകള് ചുവടെ: തിരുവനന്തപുരം 0471 2321288, കൊല്ലം 0474 2763763, പത്തനംതിട്ട0468 2325504, ആലപ്പുഴ 0477 2270311, കോട്ടയം 0481 2304844, ഇടുക്കി 0486 2232221, എറണാകുളം 0484 2354737, തൃശ്ശൂര് 0487 2325824, പാലക്കാട് 0491 2504695, മലപ്പുറം 0483 2730313, കോഴിക്കോട് 0495 2374990, വയനാട് 0493 5246849, കണ്ണൂര് 0497 2709920, കാസര്ഗോഡ് 0467 2209466.
Discussion about this post