തിരുവനന്തപുരം: ത്രിദിന ശുചീകരണത്തിന്റെ ആദ്യ ദിവസമായ ചൊവ്വാഴ്ച 80 ശതമാനത്തിലേറെ തദ്ദേശസ്വയംഭരണസ്ഥാപനങ്ങളില് ജനപങ്കാളിത്തത്തോടെ ശുചീകരണ പ്രവര്ത്തനം നടന്നു. കണ്ണൂര് കോര്പ്പറേഷനില് മുഖ്യമന്ത്രി പിണറായി വിജയന് ശുചീകരണത്തിനു നേതൃത്വം നല്കി.
കാലവര്ഷക്കെടുതി കാരണം ഇടുക്കി ജില്ലയില് ശുചീകരണ പ്രവര്ത്തനങ്ങള് നടന്നിട്ടില്ല. പാലക്കാട്, തൃശൂര്, എറണാകുളം, മലപ്പുറം, കണ്ണൂര്, കൊല്ലം എന്നീ ആറു ജില്ലകളില് നൂറു ശതമാനം പഞ്ചായത്തുകളിലും ശുചീകരണബോധവല്ക്കരണ പ്രവര്ത്തനം നടന്നു. ആകെയുള്ള 82 നഗരസഭകളില് 65 നഗരസഭകളിലാണ് ആദ്യദിനം ശുചീകരണം നടന്നത്. ശുചീകരണം ഇന്ന് ആരംഭിക്കാത്ത തദ്ദേശസ്വയംഭരണ സ്ഥാപനങ്ങളില് അടുത്ത മൂന്ന് ദിവസം പരിപാടി നടത്തും. ബോധവല്ക്കരണത്തിന്റെ ഭാഗമായുള്ള ഭവനസന്ദര്ശനം, വിളംബരജാഥകള്, മരുന്ന് വിതരണം, മാലിന്യം കണ്ടെത്തി നീക്കല്, ക്ലോറിനേഷന്, തോടുകളും ഓടകളും വൃത്തിയാക്കല്, തൊഴിലുറപ്പ് പദ്ധതി തൊഴിലാളികളെ ഉപയോഗിച്ച് വെള്ളക്കെട്ട് നീക്കല്, അന്യസംസ്ഥാന തൊഴിലാളികളുടെ വാസസ്ഥലങ്ങളിലെ പരിശോധനയും വൃത്തിയാക്കലും, മെഡിക്കല് ക്യാമ്പുകള് തുടങ്ങിയ പ്രവര്ത്തനങ്ങളാണ് ചൊവ്വാഴ്ച നടന്നത്.
രാഷ്ട്രീയ പാര്ട്ടികള്, സാമൂഹ്യ സന്നദ്ധസംഘടനകള്, വായനശാലകള് എന്നിവയുടെയും വിദ്യാര്ത്ഥികളുടെയും പങ്കാളിത്തത്തോടെയാണ് ശുചീകരണ പ്രവര്ത്തനം നടന്നത്.
Discussion about this post