ശബരിമല: മണ്ഡലകാലം അവസാനിക്കാനിരിക്കെ ശബരിമല വരുമാനത്തില് ഈ വര്ഷം 18 കോടി രൂപയുടെ വര്ധനയെന്ന് ദേവസ്വം ബോര്ഡ് പ്രസിഡന്റ് എ. പദ്മകുമാര്. മണ്ഡലകാലത്തിന്റെ 38-ാം ദിവസം വരെ 159.10 കോടി രൂപയാണ് മൊത്തം വരുമാനം. കഴിഞ്ഞ വര്ഷം ഇതേദിവസം 141.18 കോടി രൂപയായിരുന്നു വരുമാനമെന്നും സന്നിധാനത്ത് പത്രസമ്മേളനത്തില് അദ്ദേഹം പറഞ്ഞു.
അന്നദാന സംഭാവനയില് 75 ലക്ഷം രൂപയുടെ വര്ധനയുണ്ടായി. കഴിഞ്ഞ വര്ഷം 64.06 ലക്ഷം രൂപയാണ് ലഭിച്ചതെങ്കില് ഇത്തവണ അത് 1.39 കോടി രൂപയായി ഉയര്ന്നു. അടുത്ത വര്ഷത്തേക്കു കൂടി അന്നദാനം നടത്താനുള്ള സംഭാവന ലഭിച്ചിട്ടുണ്ടെന്നും അന്നദാന ഫണ്ട് മറ്റുകാര്യങ്ങള്ക്ക് ഉപയോഗിക്കില്ലെന്നും പ്രസിഡന്റ് പറഞ്ഞു. ഇതിനകം 60 ലക്ഷത്തിലധികം പേര് ശബരിമലയിലെത്തിയെന്നാണു വിലയിരുത്തല്.
രണ്ടു ലക്ഷം പേര് വരെ ദര്ശനം നടത്തിയ ദിവസങ്ങളുണ്ട്. മണ്ഡലകാലത്തു വിവിധ വകുപ്പുകളും ദേവസ്വം ജീവനക്കാരും മികച്ച പ്രവര്ത്തനം കാഴ്ചവച്ചു. ദേവസ്വം ബോര്ഡ് അംഗങ്ങളായ കെ. രാഘവന്, കെ.പി. ശങ്കരദാസ്, എക്സിക്യൂട്ടീവ് ഓഫീസര് വി.എന്. ചന്ദ്രശേഖരന്, പിആര്ഒ മുരളി കോട്ടയ്ക്കകം എന്നിവര് പങ്കെടുത്തു.
Discussion about this post