ന്യൂഡല്‍ഹി: ഐഎസ്ആര്‍ഒ ചാരക്കേസില്‍ നമ്പി നാരായണന് നഷ്ടപരിഹാരം നല്‍കണമെന്ന് സുപ്രീംകോടതി വാക്കാല്‍ പരാമര്‍ശിച്ചു. നഷ്ടപരിഹാരവും കേസില്‍ പുനരന്വേഷണവും ആവശ്യപ്പെട്ട് നമ്പി നാരായണന് നല്‍കിയ ഹര്‍ജിയിലെ വാദത്തിനിടെയാണ് ചീഫ് ജസ്റ്റീസ് സുപ്രധാന നിരീക്ഷണം നടത്തിയത്. എന്നാല്‍ ബെഞ്ചിലുണ്ടായിരുന്ന മറ്റൊരു ജഡ്ജിയായ ജസ്റ്റീഡ് ഡി.വൈ.ചന്ദ്രചൂഡ് നഷ്ടപരിഹാരമാണോ അതോ പുനരന്വേഷണമാണോ നീതിയുക്തം എന്ന് ചോദിക്കുകയും ചെയ്തു. ഹര്‍ജി വിധി പറയാന്‍ കോടതി മാറ്റിവച്ചു. നഷ്ടപരിഹാരം ആര് നല്‍കണമെന്ന കാര്യവും വാദത്തിനിടയില്‍ ചര്‍ച്ചയായി. അന്വേഷണത്തില്‍ വീഴ്ച വരുത്തിയ ഉദ്യോഗസ്ഥരില്‍ നിന്നും നഷ്ടപരിഹാരം ഈടാക്കണമെന്ന നിരീക്ഷണമാണ് ചീഫ് ജസ്റ്റീസ് അധ്യക്ഷനായ ബെഞ്ച് മുന്നോട്ടുവച്ചത്. അങ്ങനെയല്ല, സര്‍ക്കാര്‍ നഷ്ടപരിഹാരം നല്‍കട്ടെ എന്നും, എത്ര വേണമെന്ന് സര്‍ക്കാരിന് തീരുമാനിക്കാമെന്നും അഭിപ്രായം ഉയര്‍ന്നു. അതേസമയം കേസില്‍ പുനരന്വേഷണം കോടതി മേല്‍നോട്ടത്തില്‍ നടത്താന്‍ തയാറാണെന്ന് സിബിഐ അഭിഭാഷകന്‍ കോടതിയെ അറിയിച്ചു.
ഐഎസ്ആര്‍ഒ ചാരക്കേസ്: നമ്പി നാരായണന് നഷ്ടപരിഹാരം നല്‍കണമെന്ന് സുപ്രീംകോടതി
പുതിയ വാർത്തകൾ
Discussion about this post