ബെംഗളൂരു: ബെംഗളൂരുവില് നിന്ന് എറണാകുളത്തേക്ക് മള്ട്ടി ആക്സില് സ്ലീപ്പര് ബസ് സര്വീസുമായി (അംബാരി ഡ്രീം ക്ലാസ്) കര്ണാടക ആര്.ടി.സി. രാത്രി 9.32-ന് ബെംഗളൂരു ശാന്തിനഗറില്നിന്ന് പുറപ്പെട്ട് പിറ്റേദിവസം രാവിലെ 7.47-ന് എറണാകുളത്തെത്തും. തിരിച്ച് രാത്രി 9.01-ന് എറണാകുളത്തുനിന്ന് പുറപ്പെട്ട് പിറ്റേദിവസം രാവിലെ 7.16-ന് ബെംഗളൂരുവിലെത്തും.
ഈ മാസം ഒമ്പതിന് ആരംഭിക്കുന്ന സര്വീസ് സേലം വഴിയായിരിക്കുമെന്ന് കര്ണാടക ആര്.ടി.സി. അധികൃതര് അറിയിച്ചു. 1,410 രൂപയാണ് ടിക്കറ്റ് നിരക്ക്. കര്ണാടക ആര്.ടി.സി.യുടെ റിസര്വേഷന് കൗണ്ടറുകളില്നിന്ന് വെബ്സൈറ്റിലൂടെയും ടിക്കറ്റ് ബുക്ക് ചെയ്യാം.
Discussion about this post