തിരുവനന്തപുരം: പ്രശസ്ത ഛായാഗ്രാഹകന് എംജെ രാധാകൃഷ്ണന് (61) അന്തരിച്ചു. ഹൃദയാഘാതത്തെ തുടര്ന്ന് തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം.
സ്റ്റില് ഫോട്ടോഗ്രാഫര് ആയിരുന്ന രാധാകൃഷ്ണന് ഷാജി എന് കരുണിന്റെ കീഴില് അസോസിയേറ്റ് ഛായാഗ്രാഹകനായി. അലി അക്ബര് സംവിധാനം ചെയ്ത് 1988-ല് പുറത്തിറങ്ങിയ മാമലകള്ക്കപ്പുറത്താണ് സ്വതന്ത്ര ഛായാഗ്രാഹകനാകുന്ന ആദ്യ ചിത്രം. തുടര്ന്ന് കളിയാട്ടം, ദേശാടനം, കരുണം, തീര്ത്ഥാടനം, കണ്ണകി, പരിണാമം, നാല് പെണ്ണുങ്ങള് തുടങ്ങി എഴുപത്തഞ്ചോളം സിനിമകള്ക്ക് ഛായാഗ്രഹണം നിര്വഹിച്ചു. ഷാജി എന്.കരുണ് ഒരുക്കിയ ഓള് ആണ് അവസാന ചിത്രം. മികച്ച ഛായാഗ്രാഹകനുള്ള കേരള സംസ്ഥാന ചലച്ചിത്രപുരസ്കാരം ഏഴുതവണ ലഭിച്ചിട്ടുണ്ട്. നിരവധി അന്താരാഷ്ട്ര പുരസ്കാരങ്ങള്ക്കും അര്ഹനായിട്ടുണ്ട്.
പുനലൂര് തൊളിക്കോട് ശ്രീനിലയത്തില് ജനാര്ദനന് വൈദ്യരുടെയും പി.ലളിതയുടെയും മകനാണ്.ഭാര്യ ശ്രീലത. മകന് യദു. മകള് നീരജ.
