തിരുവനന്തപുരം: കഴിഞ്ഞ യുഡിഎഫ്‌ ഭരണകാലത്ത്‌ മിനിബസ്‌ വാങ്ങിയതുമൂലം കെഎസ്‌ആര്‍ടിസിക്ക്‌ 150 കോടി രൂപയുടെ ബാധ്യതയുണ്‌ടായതായി മന്ത്രി ജോസ്‌ തെറ്റയില്‍. ഈ ബസുകളുടെ സ്‌പെയര്‍പാര്‍ട്‌സുകള്‍ കിട്ടാനില്ലാത്തതിനാല്‍ മറ്റു ബസുകള്‍ പൊളിച്ചാണ്‌ സ്‌പെയര്‍പാര്‍ട്‌സുകള്‍ കണെ്‌ടത്തുന്നതെന്ന്‌ നിയമസഭയില്‍ ജെ. അരുന്ധതിയെ മന്ത്രി അറിയിച്ചു.
ജലഗതാഗത വകുപ്പില്‍ ആറു സ്റ്റീല്‍ ബോട്ടുകള്‍ കൂടി നിര്‍മിക്കുന്നതിന്‌ ഭരണാനുമതി നല്‍കുന്നതിനുള്ള നടപടികള്‍ സ്വീകരിച്ചുവരികയാണ്‌. ഈ സര്‍ക്കാര്‍ അധികാരത്തില്‍വന്നശേഷം 14 സ്റ്റീല്‍ ബോട്ടുകളും പത്തു ഫൈബര്‍ ബോട്ടുകളും നീറ്റിലിറക്കി. കൂടാതെ പത്തു സ്റ്റീല്‍ ബോട്ടുകള്‍കൂടി നിര്‍മിക്കുന്നതിനു പൊതുമേഖലാസ്ഥാപനമായ സില്‍ക്കിന്‌ കരാര്‍ നല്‍കി. ഇതില്‍ അഞ്ചെണ്ണത്തിന്റെ നിര്‍മാണം പൂര്‍ത്തിയാക്കി. ആലപ്പുഴയിലെ നിലവിലുള്ള ബോട്ട്‌ യാര്‍ഡില്‍ സ്റ്റീല്‍, ഫൈബര്‍ ബോട്ടുകള്‍ പൂര്‍ണമായും യന്ത്രവല്‍കൃതമായി ലോക്ക്‌ ചെയ്യത്തക്കവിധത്തില്‍ ഇലക്‌ട്രിക്‌ വിഞ്ച്‌ സംവിധാനം ഏര്‍പ്പെടുത്തി.
ആലപ്പുഴയിലെ പോഞ്ഞിക്കരയില്‍ 1.59 കോടി രൂപ ചെലവഴിച്ച്‌ ആധുനിക സംവിധാനത്തോടെ സ്ലിപ്പ്‌ വേ നിര്‍മിക്കുന്നതിനു സില്‍ക്കിന്‌ വര്‍ക്ക്‌ ഓര്‍ഡര്‍ നല്‍കി, നിര്‍മാണം ആരംഭിച്ചു. ജലഗതാഗതവകുപ്പ്‌ വിനോദസഞ്ചാരവികസനത്തിന്റെ ഭാഗമായി സീ കുട്ടനാട്‌ എന്ന പേരില്‍ ആലപ്പുഴയില്‍നിന്ന്‌ ഡബിള്‍ ഡക്കര്‍ ബോട്ട്‌ സര്‍വീസ്‌ ഈ വര്‍ഷം തുടങ്ങും.
മിനി ബസ്‌ : കെഎസ്‌ആര്‍ടിസിക്ക്‌ 150 കോടിയുടെ ബാധ്യത
പുതിയ വാർത്തകൾ
Discussion about this post