നെയ്യാറ്റിന്കര: പ്ലാമൂട്ടുക്കട പടവിള ശ്രീധര്മ്മശാസ്താ ക്ഷേത്രം ട്രസ്റ്റിന്റെ ആഭിമുഖ്യത്തില് ക്ഷേത്രത്തില് ഭാഗവത സപ്താഹ യജ്ഞം ചേങ്കോട്ടുകോണം ശ്രീരാമദാസ ആശ്രമത്തിലെ സ്വാമി യോഗാനന്ദ സരസ്വതി ഭദ്രദീപം തെളിച്ച് സമാരംഭം കുറിച്ചു. ഭാഗവതത്തിന്റെ ലക്ഷ്യം ജ്ഞാന വൈരാഗ്യം സമ്പാദനമാണെന്നും അതിലൂടെ മാത്രമേ യഥാര്ത്ഥ ഭക്തി വളരുകയുള്ളൂ എന്നും ഉദ്ബോധിപ്പിച്ചു. പലയിടത്തു നിന്നും മാതൃജനങ്ങള് ശ്രീകൃഷ്ണ വിഗ്രഹവുമായി ആണ് സപ്താഹ വേദിയില് എത്തിയത്. വിഗ്രഹങ്ങളെല്ലാം ഏഴു ദിവസം സപ്താഹ വേദിയില് പൂജ കൈക്കൊള്ളും. സപ്താഹത്തീല് പങ്കെടുത്ത് ജ്ഞാന വൈരാഗ്യ ആര്ജ്ജിച്ചു യോഗേശ്വരനായ ഭഗവാന് ശ്രീകൃഷ്ണന്റെ ദിവ്യവിഗ്രഹം ഹൃദയത്തില് പ്രതിഷ്ഠിച്ചു വേണം നാം ഓരോരുത്തരും ഈ സപ്താഹത്തിന് സമാപനം കുറിക്കേണ്ടത് എന്ന് ഭക്തരെ ഉദ്ബോധിപ്പിച്ചു. 24ന് ആരംഭിച്ച സപ്താഹം ഏപ്രില് ഒന്നിന് സമംഗളം സമാപിക്കും.
പടവിള ശ്രീധര്മ്മശാസ്താ ക്ഷേത്രത്തില് ഭാഗവത സപ്താഹ യജ്ഞം
സ്വാമി യോഗാനന്ദ സരസ്വതി ഭദ്രദീപം തെളിച്ച് സമാരംഭം കുറിച്ചു
പുതിയ വാർത്തകൾ
