തിരുവനന്തപുരം: ശ്രീരാമദാസമിഷന് യൂണിവേഴ്സല് സൊസൈറ്റി ദേവസ്ഥാനമായ പാച്ചല്ലൂര് ശ്രീ നാഗമല ശാസ്താക്ഷേത്രത്തില് 2025 ജൂണ് 27ന് ബാലാലയ പ്രതിഷ്ഠ നടന്നു. ചേങ്കോട്ടുകോണം ശ്രീരാമദാസമിഷന് അധ്യക്ഷന് ബ്രഹ്മശ്രീ സ്വാമി ബ്രഹ്മപാദാനന്ദ സരസ്വതി തൃപ്പാദങ്ങളുടെ മഹനീയ നേതൃത്വത്തില് തന്ത്രി ബ്രഹ്മശ്രീ കക്കാട് എഴുന്തോലില് മഠം സതീശന് ഭട്ടതിരിയുടെ മുഖ്യകാര്മികത്വത്തില് രാവിലെ 6:30ന് ഗണപതി ഹോമത്തോടെ പ്രതിഷ്ഠാ ചടങ്ങുകള് ആരംഭിച്ചു. രാവിലെ 9:00നും 10:00നും മദ്ധ്യേയുള്ള ശുഭമുഹൂര്ത്തില് ബാലാലയ പ്രതിഷ്ഠ നടന്നു.
ചടങ്ങില് നെയ്യാറ്റിന്കര ഹരി നമ്പൂതിരി, ക്ഷേത്രം മേല്ശാന്തി ദിലീപ് പോറ്റി എന്നിവര് കാര്മികത്വം വഹിച്ചു. ശ്രീരാമദാസ ആശ്രമം സെക്രട്ടറി സ്വാമി യോഗാനന്ദ സരസ്വതി, ശ്രീരാമദാസമിഷന് യൂണിവേഴ്സല് സൊസൈറ്റി ഭാരവാഹികളായ ലാല്ജിത്.ടി.കെ, അജിത്കുമാര്.പി, ക്ഷേത്രം മുഖ്യകാര്യദര്ശി രാജേഷ്, പ്രവര്ത്തകരായ സുരേഷ് കുമാര്, ജയകുമാര്, ശരത്, ഗിരിദാസ്, അഭിജിത്, സുകേഷ് തുടങ്ങിവരും നാട്ടുകാരായ ഭക്തജനങ്ങളും പ്രതിഷ്ഠാ ചടങ്ങില് സംബന്ധിച്ചു.
