കോഴിക്കോട്: കൂടത്തായില് അടുത്ത ബന്ധുക്കളായ ആറുപേര് ദുരൂഹസാഹചര്യത്തില് മരിച്ച സംഭവം കൊലപാതകമെന്നു തെളിഞ്ഞു. കേസില് മൂന്നുപേരെ ഇന്ന് പോലീസ് അറസ്റ്റുചെയ്തു. മരിച്ച റോയ് മാത്യുവിന്റെ ഭാര്യയായിരുന്ന ജോളി, ഇവര്ക്ക് സയനൈഡ് എത്തിച്ചുനല്കിയ ബന്ധു മാത്യു, മാത്യുവിനു സയനൈഡ് നല്കിയ സ്വര്ണപ്പണിക്കാരന് പ്രദീപ്കുമാര് എന്നിവരാണ് അറസ്റ്റിലായത്.
2002 മുതല് 2016 വരെയുള്ള കാലയളവില് ഒരു കുടുംബത്തിലെ ആറുപേരാണ് ദുരൂഹസാഹചര്യത്തില് മരിച്ചത്. ആറുപേരുടെയും മരണം ഏകദേശം ഒരേപോരെ തന്നെയായിരുന്നു. റിട്ട.അധ്യാപികയായ അന്നമ്മ തോമസാണ് ആദ്യം മരിച്ചത്. ആറു വര്ഷത്തിനുശേഷം അന്നമ്മയുടെ ഭര്ത്താവ് ടോം തോമസും തുടര്ന്ന് മൂന്നു വര്ഷത്തിനുശേഷം ഇവരുടെ മകന് റോയ് തോമസും മരിച്ചു. ശേഷം 2014 ഏപ്രില് 24ന് അന്നമ്മയുടെ സഹോദരന് മാത്യുവും മെയില് ടോം തോമസിന്റെ സഹോദരന്റെ മകന് ഷാജുവിന്റെ മകള് അല്ഫൈന (ഒന്നര വയസ്) എന്നിവര് മരിച്ചു. അള്ഫൈന ആശുപത്രില് ചികിത്സയിലിരിക്കെയാണ് മരണമടഞ്ഞത്. 2016 ജനുവരിയില് ഷാജുവിന്റെ ഭാര്യ ഫിലിയും സമാന സാഹചര്യത്തില് മരിച്ചു. ഇവരെല്ലാം ആഹാരത്തിനുശേഷം അസ്വസ്ഥരാവുകയും മരണമടയുകയുമായിരുന്നു.
പിന്നാലെ റോയ് തോമസിന്റെ ഭാര്യ ജോളിയും ഷാജുവും വിവാഹിതരായി.
ജോളിയുടെ രണ്ടാം ഭര്ത്താവ് ഷാജുവിനെ ചോദ്യം ചെയ്ത ശേഷം പൊലീസ് വിട്ടയച്ചു. കൊല നടത്തിയത് താന് തന്നെയാണെന്ന് ചോദ്യചെയ്യലിനിടെ ജോളി സമ്മതിച്ചിട്ടുണ്ട്.
Discussion about this post