തിരുവനന്തപുരം: അയോധ്യ ഭൂമിതര്‍ക്ക കേസില്‍ സുപ്രീംകോടതി വിധിയുടെ പശ്ചാത്തലത്തില്‍ സംസ്ഥാനത്ത് കര്‍ശന സുരക്ഷയുള്ളതായി ഡിജിപി ലോക്‌നാഥ് ബെഹ്‌റ അറിയിച്ചു. പൊലീസ് കനത്ത ജാഗ്രതയിലാണെന്ന് അദ്ദേഹം പറഞ്ഞു. നബി ദിന റാലിക്ക് വിലക്കില്ലെന്നും മറ്റ് ജാഥകള്‍ പാടില്ലെന്നും ലോക്‌നാഥ് ബെഹ്‌റ അറിയിച്ചു.
വിധിയുടെ പശ്ചാത്തലത്തില്‍ മുഖ്യമന്ത്രിയും ഗവര്‍ണറും ഡിജിപിയും കൂടിക്കാഴ്ച നടത്തി. ആവശ്യമെങ്കില്‍ കരുതല്‍ തടങ്കല്‍ നടപടി സ്വീകരിക്കാനും തീരുമാനിച്ചു. അതേസമയം, അയോധ്യ കേസില്‍ വിധി എന്തു തന്നെയായാലും സമാധാനപരമായി അതിനെ സ്വീകരിക്കാന്‍ എല്ലാ ജനങ്ങളും തയ്യാറാകണമെന്ന് മുഖ്യമന്ത്രി പിണറായി വിജയന്‍ ആവശ്യപ്പെട്ടു. സംയമനത്തോടെയുള്ള പ്രതികരണങ്ങള്‍ മാത്രമേ കേരളത്തില്‍ ഉണ്ടാവൂവെന്ന് എല്ലാവരും ഉറപ്പുവരുത്തണമെന്നും മുഖ്യമന്ത്രി പറഞ്ഞു. അതീവജാഗ്രത പാലിക്കണം എന്ന് പൊലീസിനും അദ്ദേഹം നിര്‍ദ്ദേശം നല്‍കി.
അയോധ്യ കേസില്‍ സുപ്രീംകോടതി വിധി പ്രസ്താവം നടത്തി. തര്‍ക്കഭൂമിയില്‍ അവകാശം ഉന്നയിച്ച മൂന്ന് കക്ഷിക്കള്‍ക്കും ഉടമസ്ഥാവകാശം നല്‍കാതെയായിരുന്നു സുപ്രീംകോടതിയായിരുന്നു വിധി. പകരം കേന്ദ്ര സര്‍ക്കാര്‍ പ്രത്യേക ട്രസ്റ്റ് രൂപീകരിച്ച് രാമക്ഷേത്രം നിര്‍മിക്കണം. മുസ്ലീങ്ങള്‍ക്ക് പകരം അഞ്ച് ഏക്കര്‍ ഭൂമി നല്‍കണമെന്നും സുപ്രീംകോടതി വിധിപ്രസ്താവത്തില്‍ പറയുന്നു.
Discussion about this post