തിരുവനന്തപുരം : ലൗജിഹാദിനെതിരെ വ്യാപകമായി ഉണ്ടായിക്കൊണ്ടിരിക്കുന്ന ഗൗരവമേറിയ പരാതികളിന്മേല് കര്ശന നടപടി സ്വീകരിക്കണമെന്ന സീറോ മലബാര് സഭാ സിനഡിന്റെ ആവശ്യം സ്വാഗതാര്ഹമാണെന്ന് ബിജെപി മുന് സംസ്ഥാന അദ്ധ്യക്ഷന് കുമ്മനം രാജശേഖരന്.
ലൗജിഹാദിന്റെ പേരില് ക്രിസ്ത്യന് പെണ്കുട്ടികള് കൊലചെയ്യപ്പെടുന്നു വെന്നും നിര്ബന്ധിത മതം മാറ്റത്തിന് ഇരയാകുന്നുവെന്നുമുള്ള സീറോ മലബാര് സഭാ സിനഡിന്റെ ആരോപണം മുഖവിലക്കെടുക്കാതെ മന്ത്രി തോമസ് ഐസക്ക് തള്ളിക്കളയുകയുണ്ടായി. കോണ്ഗ്രസ്സ് – സിപിഎം – ജിഹാദി കൂട്ടുകെട്ടാണ് ലൗജിഹാദികള്ക്ക് പ്രേരണയും പ്രചോദനവും നല്കുന്നത്. കേരളത്തിലെ വിവിധ പോലീസ് സ്റ്റേഷനുകളിലും കോടതികളിലും നൂറുകണക്കിന് പരാതികള് ലൗജിഹാദിനിരയായ പെണ്കുട്ടികളുടെ മാതാപിതാക്കള് നല്കിയിട്ടുണ്ട്. മാത്രമല്ല, സിപിഎം നേതാവ് വി.എസ്.അച്ചുതാനന്ദന് ലൗജിഹാദ് കേരളത്തില് ശക്തിപ്പെട്ടുവെന്നും അത് തടയണമെന്നും മുമ്പ് വ്യക്തമാക്കിയിരുന്നതാണ്. എന്നിട്ടും മന്ത്രി തോമസ് ഐസക്ക് ലൗജിഹാദ് കേരളത്തില് ഇല്ലെന്ന് പറയുന്നത് ഒന്നുകില് ഭയം കൊണ്ടാണ്, അല്ലെങ്കില് കുറ്റവാളികളെ രക്ഷപ്പെടുത്താനാണ്.
Discussion about this post