തിരുവനന്തപുരം: കൊറോണ വ്യാപനത്തിന്റെ പശ്ചാത്തലത്തില് കൂടുതല് നിയന്ത്രണങ്ങള് ഏര്പ്പെടുത്തി സംസ്ഥാനം. കാസര്കോട് ജില്ലയില് സമ്പൂര്ണ്ണ ലോക്ക് ഡൗണ് പ്രഖ്യാപിച്ചു. മറ്റ് ജില്ലകളില് ഭാഗികമായി ലോക്ക് ഡൗണ് ഏര്പ്പെടുത്താനും തീരുമാനമായി. എറണാകുളം, കണ്ണൂര്,കോഴിക്കോട് ജില്ലകളില് നിയന്ത്രണം കര്ശനമാക്കി.
അവശ്യ സര്വ്വീസുകള് മുടക്കമില്ലാതെ തുടരും. കടകള് പൂര്ണ്ണമായും അടയ്്ക്കില്ല. സംസ്ഥാനത്ത് ബാറുകള് അടച്ചിടാനും തീരുമാനമായി. ബിയര് പാര്ലറുകളും അടയ്ക്കും. ബെവ്കോ ഔട്ലെറ്റുകളില് കൂടുതല് കടുത്ത നിയന്ത്രണം കൊണ്ടുവരും. കൊറോണയുടെ പശ്ചാത്തലത്തില് ബാറുകളും ബീവറേജ് ഔട് ലറ്റുകളും അടച്ചിടണമെന്ന് പ്രതിപക്ഷ കക്ഷികള് അടക്കം സര്ക്കാരിനോട് ആവര്ത്തിച്ച് ആവശ്യപ്പെടുന്നുണ്ട്.
കേന്ദ്ര നിര്ദ്ദേശം അനുസരിച്ച് സംസ്ഥാനത്തെ ജില്ലകള് അടച്ചിടുന്ന കാര്യത്തില് തീരുമാനമെടുക്കാനായി ചേര്ന്ന ഉന്നത തലയോഗത്തിലാണ് ഇത് സംബന്ധിച്ച തീരുമാനം കൈക്കൊണ്ടത്. കൊറോണ കേസുകള് കൂടുതല് റിപ്പോര്ട്ട് ചെയ്ത സാഹചര്യത്തിലാണ് കാസര്കോട് കടുത്ത നിയന്ത്രണം ഏര്പ്പെടുത്തുന്നത്. വീടുകളില് നിന്ന് ആളുകള് പുറത്തിറങ്ങുന്നതിനും കാസര്കോട് നിയന്ത്രണമുണ്ടാകും.
അതേസമയം കൊറോണ സ്ഥിരീകരിച്ച ജില്ലകളില് പൂര്ണ്ണ ലോക്ക് ഡൗണ് വേണമെന്നാണ് കേന്ദ്ര സര്ക്കാര് ആവര്ത്തിച്ച് ആവശ്യപ്പെടുന്നത്.
Discussion about this post