തിരുവന്തപുരം: കൊറോണ വൈറസ് ബാധ വ്യാപിക്കുന്ന സാഹചര്യത്തില് നിരീക്ഷണത്തില് വിട്ട പോലീസുകാര് തിരികെ ജോലിയില് പ്രവേശിക്കാന് നിര്ദ്ദേശം. വിമാനത്താവളത്തില് ജോലി ചെയ്തതിനെത്തുടര്ന്ന് തിരുവനനന്തപുരത്ത് വീടുകളില് നിരീക്ഷണത്തില് വിട്ട പോലീസുകാരെയാണ് തിരികെ വിളിച്ചത്. സമാനമായി കണ്ണൂര്, കൊച്ചി വിമാനത്താവളങ്ങളില് ജോലി നോക്കിയവര് വീടുകളില് നിരീക്ഷണത്തില് തുടരവെയാണ് നടപടി. അതേസമയം പോലീസുകാര് തുടര്ച്ചയായി മൂന്ന് ദിവസം ജോലി ചെയ്യണമെന്ന തിരുവനന്തപുരം സിറ്റിപോലീസ് കമ്മീഷണറുടെ ഉത്തരവില് പ്രതിഷേധം ശക്തം.
കൊറോണ രോഗം പടരുന്ന സാഹചര്യത്തിലാണ് വീടുകളില് കര്ശന നിരീക്ഷണത്തില് തുടരുന്ന പോലീസുകാരോട് ജോലിയില് പ്രവേശിക്കാന് നിര്ദ്ദേശം നല്കിയത്. തിരുവനന്തപുരം അന്താരാഷ്ട്ര വിമാനത്താവളത്തില് ജോലിചെയ്ത പോലീസുകാരോടാണ് 14 ദിവസത്തേക്ക് വീടുകളില് നിരീക്ഷണത്തില് തുടരാന് ആവശ്യപ്പെട്ടിരുന്നത്. തിരുവനന്തപുരം എ ആര് ക്യാമ്പിലെ പോലീസ് ഉദ്യോഗസ്ഥരെയാണ് ആരോഗ്യവകുപ്പിന്റെയും സര്ക്കാരിന്റെയും നിര്ദ്ദേശങ്ങള് മറികടന്ന് ജോലിക്ക് തിരികെ വിളിച്ചത്. രോഗം പടരുന്ന സാഹചര്യത്തില് വിമാനത്താവളത്തില് ജോലിചെയ്ത 30 ലധികം പോലീസുകാരോടാണ് തിരികെ ജോലിയില് കയറാന് നിര്ദ്ദേശിച്ചത്.
കൊറോണ ബാധയെത്തുടന്ന് നിരീക്ഷണത്തില് തുടരാന് ആവശ്യപ്പെട്ടവരാണ് ഇവരെല്ലാം. സമാനമായി കണ്ണൂര്, കൊച്ചി വിമാനത്താവളങ്ങളില് ജോലി നോക്കിയ പോലീസ് ഉദ്യോഗസ്ഥര് വീടുകളില് നിരീക്ഷണത്തില് തുടരവെയാണ് തലസ്ഥാന ജില്ലയിലെ നടപടി. അതേസമയം പോലീസുകാര് തുടര്ച്ചയായി മൂന്ന് ദിവസം ജോലി ചെയ്യണമെന്ന നിര്ദ്ദേശവുമായി തിരുവനന്തപുരം സിറ്റി പോലീസ് കമ്മീഷണര് ഉത്തരവിറക്കി. ലോക്ക് ഡൗണിന്റെ ഭാഗമായി പോലീസ് പരിശോധനകള് ശക്തമാക്കുന്നതിന്റെ ഭാഗമായാണ് തുടര്ച്ചയായി മൂന്ന് ദിവസമെന്ന ഡ്യൂട്ടിയെന്നാണ് സൂചന. അതേസമയം ജോലിക്കെത്തുന്ന പോലീസുകാര്ക്ക് അടിസ്ഥാന സൗകര്യങ്ങള് ഒരുക്കാതെയാണ് ജോലി ക്രമീകരിച്ചതെന്ന ആക്ഷേപവും ഉയരുന്നുണ്ട്. കമ്മീഷണറുടെ നിര്ദ്ദേശത്തില് പോലീസുകാര്ക്കിടയില് അമര്ഷം ശക്തമാണ്.
Discussion about this post