തിരുവനന്തപുരം: സംസ്ഥാന സര്‍ക്കാര്‍ ജീവനക്കാരുടെ ഒരു മാസത്തെ ശമ്പളത്തിനു തുല്യമായ തുക അഞ്ചു മാസമായി പിടിക്കും. ഒരു മാസത്തില്‍ ആറു ദിവസത്തെ ശമ്പളം വീതം പിടിക്കാനാണു മന്ത്രിസഭാ തീരുമാനം. ഇപ്പോള്‍ പിടിക്കുന്ന തുക സംസ്ഥാനത്തിന്റെ സാമ്പത്തിക സ്ഥിതി മെച്ചപ്പെടുന്ന മുറയ്ക്കു തിരികെ നല്‍കുമെന്നു പറയുന്നുണ്ടെങ്കിലും അതിന്റെ വിശദാംശങ്ങള്‍ ഉത്തരവില്‍ സൂചിപ്പിച്ചിട്ടില്ല. 20,000 രൂപയില്‍ താഴെ ശമ്പളം സ്വീകരിക്കുന്ന പാര്‍ട്ട്‌ടൈം ജീവനക്കാര്‍ ഒഴികെ മറ്റെല്ലാ ജീവനക്കാരുടെയും ശമ്പളം പിടിക്കും. കോവിഡ് ലോക്ക്ഡൗണിനെ തുടര്‍ന്ന് സംസ്ഥാനത്തിന്റെ സാമ്പത്തിക സ്ഥിതി മോശമായ സാഹചര്യത്തിലാണു സാലറി ചലഞ്ചിനു ബദലായുള്ള ധനവകുപ്പ് നിര്‍ദേശം മന്ത്രിസഭായോഗം അംഗീകരിച്ചത്. സ4ക്കാര്‍ ജീവനക്കാര്‍, എയ്ഡഡ് സ്‌കൂള്‍ അധ്യാപകര്‍, ജീവനക്കാര്‍, പൊതുമേഖലാ ജീവനക്കാര്‍ അടക്കം സര്‍ക്കാര്‍ ശമ്പളം കൈപ്പറ്റുന്ന എല്ലാ വിഭാഗം ജീവനക്കാര്‍ക്കും ഇതു ബാധകമാണ്. ഏപ്രിലിലെ മേയ് ആദ്യം ലഭിക്കുന്ന ശമ്പളം മുതല്‍ സെപ്റ്റംബര്‍ വരെ ലഭിക്കുന്ന ശമ്പളത്തില്‍ നിന്നാണു തുക പിടിക്കുക. ആറു ദിവസത്തെ ശമ്പളത്തുക പിടിച്ച ശേഷമേ ജീവനക്കാര്‍ക്കു പ്രതിമാസ ശമ്പളം നല്‍കുകയുള്ളൂ.
സര്‍ക്കാര്‍ ജീവനക്കാരുടെ ഒരു മാസത്തെ ശമ്പളം പിടിക്കാന്‍ തീരുമാനം
പുതിയ വാർത്തകൾ
Discussion about this post