തിരുവനന്തപുരം: പ്രേംനസീറിന്റെ സ്മരണയ്ക്കായി ജന്മനാടായ ചിറയിന്കീഴില് ഒരുങ്ങുന്ന സ്മാരകമന്ദിരത്തിന്റെ നിര്മ്മാണത്തിനു തുടക്കമായി. ചിറയിന്കീഴില് പ്രേംനസീര് സ്മാരക സാംസ്കാരിക സമുച്ചയത്തിന്റെ നിര്മാണോദ്ഘാടനം വീഡിയോ കോണ്ഫറന്സിലൂടെ മുഖ്യമന്ത്രി നിര്വഹിച്ചു.
മലയാളത്തിലെ നിത്യഹരിതനായകനായ പ്രേംനസീറിന് ജന്മനാടായ ചിറയിന്കീഴില് ഒരുങ്ങുന്ന സ്മാരകം അദ്ദേഹത്തെ സ്നേഹിക്കുകയും ആദരിക്കുകയും ചെയ്യുന്ന പ്രേക്ഷകലക്ഷങ്ങളുടെ ചിരകാലാഭിലാഷത്തിന്റെ സാഫല്യമാണെന്നും മുഖ്യമന്ത്രി പറഞ്ഞു.
15000 ചതുരശ്ര അടി വിസ്തീര്ണത്തില് മിനി തിയേറ്റര് ഉള്പ്പെടെ അത്യാധുനിക സൗകര്യങ്ങളോടു കൂടിയ സ്മാരകമാണ് നിര്മ്മിക്കുന്നത്. മൂന്ന് നിലകളിലായി നിര്മിക്കുന്ന കെട്ടിടത്തില് മ്യൂസിയം, ഓപ്പണ് എയര് തീയേറ്റര്, സ്റ്റേജ്, ലൈബ്രറി, കഫെറ്റീരിയ, ബോര്ഡ് റൂമുകള് എന്നിവ ഉണ്ടായിരിക്കും. ആവശ്യത്തിന് പാര്ക്കിംഗ് സൗകര്യവുമുണ്ടായിരിക്കും. നാലുകോടി രൂപയാണ് പദ്ധതിയുടെ ചെലവ്. സാംസ്കാരിക വകുപ്പിന്റെ കീഴില് ചിറയിന്കീഴിലെ ശാര്ക്കര ക്ഷേത്രത്തിന് സമീപമാണ് സ്മാരകം നിര്മ്മിക്കുന്നത്.
Discussion about this post