മാവേലിക്കര: ജഗദ്ഗുരു സ്വാമി സത്യാനന്ദ സരസ്വതി തൃപ്പാദങ്ങളുടെ നവതി വര്ഷ ആഘോഷങ്ങളുടെ ഭാഗമായി സംസ്ഥാനത്തെ എല്ലാജില്ലകളിലും ശ്രീരാമദാസമിഷന് പ്രസ്ഥാനങ്ങളുടെ നേതൃത്വത്തില് നടക്കുന്ന ഹിന്ദു കുടുംബ സമീക്ഷയുടെ ആലപ്പുഴ ജില്ലയിലെ സംഗമം ജനുവരി 22 ന് മാവേലിക്കര ശ്രീകൃഷ്ണ ഗാനസഭ ഓഡിറ്റോറിയത്തില് നടന്നു.
ജാതികള്ക്കും പാര്ട്ടികള്ക്കും അതീതമായ ഹൈന്ദവ കുടുംബ സംഗമം ലക്ഷ്യമാക്കിക്കൊണ്ട് സ്നേഹം, ഐക്യം, ശക്തി, ശാന്തി തുടങ്ങിയ ചതുര്വിധ ആശയങ്ങള് ഉള്ക്കൊള്ളിച്ചുകൊണ്ട് ഹൈന്ദവകുടുംബങ്ങളുടെ ശാക്തീകരണം ലക്ഷ്യമാക്കിയാണ് പദ്ധതി ആവിഷ്കരിച്ചിട്ടുള്ളത്.
സമീക്ഷയ്ക്ക് ശ്രീരാമദാസമിഷന് അധ്യക്ഷന് പൂജനീയ ശ്രീശക്തി ശാന്താനന്ദ മഹര്ഷി മാര്ഗ്ഗദര്ശനം നല്കി. സന്യാസി മാര്ഗദര്ശക മണ്ഡലം സംസ്ഥാന ജനറല് സെക്രട്ടറി സംപൂജ്യ സത്സ്വരൂപാനന്ദ സ്വാമിജി ചടങ്ങില് ആശംസ അര്പ്പിച്ചുകൊണ്ട് സംസാരിച്ചു. സമീക്ഷ ജനറല് കണ്വീനര് സ്വാമി ഹനുമദ്പാദാനന്ദ സരസ്വതി, ചീഫ് ഓര്ഗനൈസര് ബ്രഹ്മചാരി പ്രവിത്ത്, ശ്രീരാമദാസമിഷന് യൂണിവേഴ്സല് സൊസൈറ്റി അധ്യക്ഷന് എസ്.കിഷോര് കുമാര്, സ്വാഗത സംഘം ചെയര്മാന് ഹരിദാസ് കരിമുട്ടം, കണ്വീനര് പ്രസന്നകുമാര് തുടങ്ങിയവര് സംസാരിച്ചു. നിരവധി കുടുംബങ്ങള് സമീക്ഷയില് പങ്കെടുത്തു.
