പത്തനംതിട്ട: കോവിഡ് മാനദണ്ഡങ്ങള് പാലിച്ച് നടത്തുന്ന ഇത്തവണത്തെ ശബരിമല മണ്ഡല-മകരവിളക്ക് തീര്ഥാടനത്തോടനുബന്ധിച്ച് പുണ്യം പൂങ്കാവനം പദ്ധതിയുടെ കീഴില് വരുന്ന ളാഹ മുതല് സന്നിധാനം വരെയുള്ള സ്ഥലങ്ങളില് പ്ലാസ്റ്റിക്ക് കുപ്പികളും പ്ലാസ്റ്റിക്ക് സഞ്ചികളും ഉപയോഗിക്കുന്നതും പൊതുസ്ഥലങ്ങളില് വലിച്ചെറിയുന്നതും നിരോധിച്ച് ജില്ലാ കളക്ടര് പി.ബി നൂഹ് ഉത്തരവായി. കേരള പോലീസ് ആക്ടിലെ വകുപ്പ് 80 പ്രകാരമാണ് ഉത്തരവ്.
തീര്ത്ഥാടന കാലയളവില് കച്ചവടക്കാര് അമിത വില ഈടാക്കി തീര്ഥാടകരെ ചൂഷണം ചെയ്യുന്നത് തടയുന്നതിനായി എല്ലാ ഭക്ഷണശാലകളിലും വിവിധ ഭാഷകളില് വിലവിവരപട്ടിക പ്രദര്ശിപ്പിക്കണം. ജോലിക്ക് എത്തുന്നവര്ക്ക് തിരിച്ചറിയല് കാര്ഡ്, കോവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കിയിട്ടുണ്ട്.
Discussion about this post