തിരുവനന്തപുരം: സിഎജി റിപ്പോര്ട്ട് വിവാദത്തില് സര്ക്കാരിനെതിരെ വീണ്ടും ആരോപണങ്ങളുന്നയിച്ച് ബിജെപി സംസ്ഥാന അധ്യക്ഷന് കെ. സുരേന്ദ്രന്. സിഎജിക്കെതിരായ മുഖ്യമന്ത്രിയുടെ വാദം ബാലിശമാണെന്നും രാജ്യത്തെ ഭരണഘടനയെ സംബന്ധിച്ചോ ഭരണസംവിധാനത്തെ സംബന്ധിച്ചോ സാമാന്യമായ അറിവുള്ളവര് പോലും ഇത്തരം വാദങ്ങള് ഉന്നയിക്കില്ലെന്നും സുരേന്ദ്രന് വ്യക്തമാക്കി. സിഎജി റിപ്പോര്ട്ട് മുഖ്യമന്ത്രി കണ്ടെങ്കില് അത് ഗുരുതരമായ ചട്ടലംഘനമാണ്. സര്ക്കാരിനെ പിരിച്ചുവിടാന് അതുമതി. സംസ്ഥാനത്തെ മുതിര്ന്ന രാഷ്ട്രീയ നേതാവായ പിണറായി വിജയന് മുഖ്യമന്ത്രി കസേരയില് ഇരുന്നുകൊണ്ട് ജനങ്ങളെ പരിഹസിക്കുന്നതും അപഹാസ്യമായ വാദങ്ങള് ഉന്നയിക്കുന്നതും മുഖ്യമന്ത്രി കസേരയ്ക്ക് ചേര്ന്ന പണിയല്ല. തോമസ് ഐസക് കിഫ്ബിയുടെ മേല് അഴിമതി നടത്തിയെന്നത് അന്വേഷിച്ചാല് വ്യക്തമാകും. സിഎജി റിപ്പോര്ട്ട് നിയമസഭയില് വയ്ക്കുന്നതിന് മുന്പ് മുഖ്യമന്ത്രിയും ധനകാര്യമന്ത്രിയും അത് വായിച്ചുവെന്ന് പറഞ്ഞാല് മാത്രം മതി ഈ സംസ്ഥാന സര്ക്കാരിനെ പിരിച്ചുവിടാന്.
സിഎജി റിപ്പോര്ട്ടിനെതിരായ മുഖ്യമന്ത്രിയുടെ എതിര്പ്പിന്റെ അടിസ്ഥാനം കിഫ്ബി മാനദണ്ഡങ്ങള് ലംഘിച്ചുകൊണ്ടാണ് വായ്പ എടുത്തിരിക്കുന്നത് എന്നുള്ളതാണെന്നും സുരേന്ദ്രന് കുറ്റപ്പെടുത്തി.
Discussion about this post