പത്തനംതിട്ട: ശബരിമല സന്നിധാനത്ത് ദേവസ്വം മരാമത്തിലെ ഓവര്സിയര്ക്ക് കോവിഡ് സ്ഥിരീകരിച്ചു. രോഗലക്ഷണങ്ങള് ഉണ്ടായതിനെ തുടര്ന്ന് പമ്പയില് നടത്തിയ പരിശോധനയിലാണ് സ്ഥിരീകരണം. ശബരിമലയില് നെഗറ്റീവ് സര്ട്ടിഫിക്കറ്റുള്ളവര്ക്കാണ് നിലവില് പ്രവേശനം. നെഗറ്റീവ് സര്ട്ടിഫിക്കറ്റ് ഇല്ലാത്തവര്ക്ക് നിലയ്ക്കലില് ആന്റിജന് പരിശോധന ഉണ്ടാകും. പോസിറ്റീവ് ആകുന്നവരെ റാന്നിയിലെ സിഎഫ്എല്ടിസിയിലേക്ക് മാറ്റും. നിലക്കലില് നടന്ന ടെസ്റ്റുകളുടെ ഫലം പരിശോധിക്കുമ്പോള് ആയിരത്തില് അഞ്ച് പേര്ക്കാണ് രോഗബാധ കണ്ടെത്തിയത്. രോഗബാധയുടെ പശ്ചാത്തലത്തില് ദേവസ്വം ബോര്ഡില് പുറംജോലി ചെയ്യുന്ന ഉദ്യോഗസ്ഥര്ക്കും ജീവനക്കാര്ക്കും പിപിഇ കിറ്റ് നല്കാന് നിര്ദേശം നല്കിയിട്ടുണ്ട്.
Discussion about this post