തിരുവനന്തപുരം: ബുറേവി ചുഴലിക്കാറ്റിന്റെ പശ്ചാത്തലത്തില് സംസ്ഥാനത്തെ തെക്കന് ജില്ലകളിലെ ഡാമുകളിലും റിസര്വ്വോയറുകളിലും ജാഗ്രത വേണമെന്ന് കേന്ദ്ര ജല കമ്മിഷന്. അതിതീവ്ര മഴയ്ക്ക് സാധ്യതയുള്ളതിനാല് തിരുവനന്തപുരത്തെ നെയ്യാര് റിസര്വോയര്, കൊല്ലം കല്ലട റിസര്വ്വോയര് എന്നിവിടങ്ങളിലും പത്തനംതിട്ട കക്കി ഡാം എന്നിവിടങ്ങളില് ജാഗ്രത വേണം.
ജലനിരപ്പ് ക്രമീകരിച്ചില്ലെങ്കില് താഴ്ന്ന പ്രദേശങ്ങളില് വെള്ളം കയറുന്നതിന് ഇടയാക്കുമെന്ന് കേന്ദ്ര ജലകമ്മിഷന് മുന്നറിയിപ്പ് നല്കുന്നു. തീര്ത്ഥാടന കാലം കണക്കിലെടുത്ത് പമ്പ, മണിമല, അച്ചന്കോവില് എന്നിവിടങ്ങളിലും ജാഗ്രത വേണമെന്നും മുന്നറിയിപ്പുണ്ട്. വ്യാഴാഴ്ച കന്യാകുമാരി തീരം തൊടുന്ന ചുഴലിക്കാറ്റിനെത്തുടര്ന്ന് നാല് ജില്ലകളില് റെഡ് അലെര്ട്ട് പ്രഖ്യാപിച്ചിരിക്കുകയാണ്. തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിലാണ് റെഡ് അലര്ട്ട് നിലവിലുള്ളത്.
