തിരുവനന്തപുരം: പ്രധാനമന്ത്രി നരേന്ദ്രമോദിയുടെ ആരോപണത്തിന് മറുപടിയുമായി സി പി എം. വോട്ടുകച്ചവടം നടത്തുന്നത് മോദി അനുയായികളാണെന്ന് സി പി എം സംസ്ഥാന സെക്രട്ടറി എ.വിജയരാഘവന്‍ ആരോപിച്ചു. നേമത്ത് കഴിഞ്ഞ തവണ ഒ രാജഗോപാല്‍ ജയിച്ചത് കോണ്‍ഗ്രസ് സഹായത്താലാണെന്നും അദ്ദേഹം പറഞ്ഞു.
വോട്ട് കച്ചവടത്തെ കുറിച്ച് കോണ്‍ഗ്രസുമായി ബിജെപി വളരെ സജീവമായി ചര്‍ച്ച നടത്തുകയാണ്. രാജഗോപാല്‍ നിയമസഭ കണ്ടതിനെപ്പറ്റിയാണ് പ്രധാനമന്ത്രി വ്യക്തമാക്കേണ്ടിയിരുന്നത്. അത് മറച്ചുവച്ച് അദ്ദേഹം സംസാരിക്കുമ്പോള്‍ പ്രധാനമന്ത്രിയുടെ വാക്കുകളുടെ മൂല്യമാണ് ചോര്‍ന്നുപോകുന്നതെന്നും വിജയരാഘവന്‍ പറഞ്ഞു.
Discussion about this post