തിരുവനന്തപുരം: പരിസ്ഥിതി ലോല മേഖല ഉത്തരവില് തുടര്നടപടി ചര്ച്ച ചെയ്യാന് ഇന്ന് ഉന്നതതല യോഗം നടക്കും. ജനവാസ മേഖലകളെ ബഫര് സോണില് നിന്ന് ഒഴിവാക്കുക എന്ന നിലപാടാണ് സര്ക്കാരിനെന്ന് വനംമന്ത്രി എ.കെ.ശശീന്ദ്രന് പ്രതികരിച്ചു.
വിഷയത്തില് സുപ്രീം കോടതിയെ നേരിട്ട് സമീപിക്കാന് പറ്റുമോ എന്നാണ് പരിശോധിക്കുന്നതെന്ന് അദ്ദേഹം വ്യക്തമാക്കി. വിവാദം അനാവശ്യമാണ്. ആശങ്കപ്പെടേണ്ട സാഹചര്യമില്ല. കര്ഷക താത്പര്യം പരിഗണിച്ചായിരിക്കും സര്ക്കാര് പ്രവര്ത്തിക്കുക. കേന്ദ്ര ഇടപെടല് ആവശ്യപ്പെടുമെന്നും അദ്ദേഹം പറഞ്ഞു.
സര്ക്കാരിനെയും ജനങ്ങളെയും ഭിന്നിപ്പിക്കാനുള്ള ഗൂഢശ്രമമാണ് നടക്കുന്നതെന്നാണ് മന്ത്രിയുടെ ആരോപണം. കര്ഷകരുമായി ഏറ്റുമുട്ടേണ്ട ഒരു സാഹചര്യം ഇവിടെയില്ലെന്നും മന്ത്രി പറഞ്ഞു. അതേസമയം, പരിസ്ഥിതി ലോല മേഖല ഉത്തരവില് കേന്ദ്രവനം പരിസ്ഥിതി മന്ത്രാലയം നിയമപരിശോധന ആരംഭിച്ചിട്ടുണ്ട്.
Discussion about this post