തിരുവനന്തപുരം: ചാന്സലറെ മാറ്റേണ്ട സാഹചര്യമില്ലെന്ന് പ്രതിപക്ഷ നേതാവ് വി ഡി സതീശന്. സി പി എമ്മുകാരെ ചാന്സലറക്കാനാണ് നീക്കമെന്നും അദ്ദേഹം ആരോപിച്ചു. ഗവര്ണര് ആരിഫ് മുഹമ്മദ് ഖാനെ സര്വകലാശാലകളുടെ ചാന്സലര് സ്ഥാനത്തുനിന്ന് നീക്കാന് ഓര്ഡിനന്സ് ഇറക്കാനുള്ള സര്ക്കാര് തീരുമാനത്തോട് പ്രതികരിക്കുകയായിരുന്നു അദ്ദേഹം.
ഓരോ സര്വകലാശാലയിലും ഓരോ ചാന്സലര് വേണമെന്നാണ് മന്ത്രിസഭായോഗത്തിന്റെ തീരുമാനം. ഗവര്ണര്ക്ക് പകരം വിദ്യാഭ്യാസ വിദഗ്ദ്ധരെ ചാന്സലറാക്കാനുള്ള ഓര്ഡിനന്സ് പാസാകാന് ഗവര്ണര് ഒപ്പിടണം.
അതേസമയം, കോര്പ്പറേഷനിലെ വിവാദ കത്തിനെക്കുറിച്ചുള്ള ക്രൈം ബ്രാഞ്ച് അന്വേഷണം തട്ടിപ്പാണെന്നും വി ഡി സതീശന് പ്രതികരിച്ചു. ഈ അന്വേഷണം യഥാര്ത്ഥ പ്രതികളെ രക്ഷിക്കാന് വേണ്ടിയാണെന്നും, കോര്പറേഷനില് മാത്രം ഒതുങ്ങുന്നതല്ല ഇതെന്നും അദ്ദേഹം കുറ്റപ്പെടുത്തി.
പുറംവാതില് നിയമനങ്ങള് പ്രതിപക്ഷം പുറത്തുകൊണ്ടുവരുമെന്നും വി ഡി സതീശന് പറഞ്ഞു. പല പൊതുമേഖലാ സ്ഥാപനങ്ങളിലും പി എസ് സി നിയമനങ്ങള് നടക്കുന്നില്ല. താല്ക്കാലികക്കാരെ നിയമിച്ചതിനെക്കുറിച്ചുള്ള വിവരം ശേഖരിക്കുന്നുണ്ട്. വിവരശേഖരണം പൂര്ത്തിയായ ശേഷം നിയമ നടപടിയിലേക്ക് കടക്കുമെന്നും അദ്ദേഹം വ്യക്തമാക്കി.
Discussion about this post