തിരുവനന്തപുരം: നഗരസഭയിലെ താല്ക്കാലിക നിയമനങ്ങളിലെ ക്രമക്കേടുകളില് പ്രതിഷേധമുന്നയിച്ച് യുവമോര്ച്ച നടത്തിയ മാര്ച്ചില് പങ്കുചേര്ന്ന് ബിജെപി സംസ്ഥാന അധ്യക്ഷന് കെ. സുരേന്ദ്രന്.
ബാരിക്കേഡ് തകര്ക്കാന് ശ്രമിച്ച പ്രവര്ത്തകരെ പിരിച്ചുവിടാന് പോലീസ് കണ്ണീര്വാതകം പ്രയോഗിക്കുന്നതിനിടെയാണ് പാര്ട്ടി ജില്ലാ പ്രസിഡന്റ് വി. വി. രാജേഷിനൊപ്പം സുരേന്ദ്രന് സ്ഥലത്തെത്തിയത്. കണ്ണീര്വാതക ഷെല്ലുകളിലൊന്ന് സുരേന്ദ്രന് സമീപത്ത് വീണിരുന്നു.
വാതകം ശ്വസിച്ച് അസ്വസ്ഥതയിലായ നേതാക്കള് പോലീസിനെതിരെ രൂക്ഷ വിമര്ശനമാണ് ഉന്നയിച്ചത്. കേരളത്തിന്റെ സമരചരിത്രത്തിലെ ഏറ്റവും മോശമായ പെരുമാറ്റമാണ് പ്രതിഷേധക്കാര്ക്ക് നേരെ പോലീസ് നടത്തിയതെന്നും കണ്ണീര്വാതക ഷെല്ലില് ശക്തമായ രാസപദാര്ഥങ്ങളുപയോഗിച്ചെന്നും സുരേന്ദ്രന് പറഞ്ഞു. സമാധാനപരമായ പ്രതിഷേധം നടത്തിയ യുവമോര്ച്ച പ്രവര്ത്തരെ പോലീസ് അകാരണമായി ഉപദ്രവിക്കുകയായിരുന്നുവെന്നും സുരേന്ദ്രന് ആരോപിച്ചു.
Discussion about this post