തിരുവനന്തപുരം: വിഴിഞ്ഞം തുറമുഖപദ്ധതിയുടെ ആവശ്യകത ബോധ്യപ്പെടുത്താനുള്ള എക്സ്പെര്ട്ട് സമ്മിറ്റ് പരിപാടിയില് മുഖ്യമന്ത്രി പിണറായി വിജയന് പങ്കെടുക്കില്ല. തിരുവനന്തപുരം മസ്കറ്റ് ഹോട്ടലില് രാവിലെ പത്ത് മണിക്കാണ് പരിപാടി. മുഖ്യമന്ത്രിക്ക് പകരം ധനമന്ത്രി പരിപാടി ഉദ്ഘാടനം ചെയ്യും. ശശി തരൂരും പരിപാടിയില് പങ്കെടുക്കില്ല. ഔദ്യോഗികമായി ക്ഷണിച്ചിരുന്നില്ലെന്നാണ് ശശി തരൂരിന്റെ ഓഫീസ് നല്കുന്ന വിശദീകരണം. സമരം സംഘര്ഷമായ പശ്ചാത്തലത്തിലാണ് കേരള വികസനത്തിന് പദ്ധതി അനിവാര്യമാണെന്ന പ്രചാരണം സംഘടിപ്പിക്കുന്നത്.
വിഴിഞ്ഞം പ്രദേശത്ത് ക്രമസമാധാനം ഉറപ്പാക്കാന് ഡിഐജി ആര് നിശാന്തിനിക്ക് കീഴില് പ്രത്യേക പൊലീസ് ഉദ്യോഗസ്ഥരുടെ സംഘത്തേയും നിയമിച്ചിട്ടുണ്ട്. നാല് എസ്പിമാരും ഡിവൈഎസ്പിമാരും അടങ്ങുന്നതാണ് സംഘം. ഇവര് ക്രമസമാധാനപാലനത്തോടൊപ്പം വിഴിഞ്ഞം സംഘര്ഷത്തെക്കുറിച്ചുള്ള അന്വേഷണവും നടത്തും. ഡിസിപി അജിത്കുമാര്, കെ ഇ ബൈജു, മധുസൂദനന് എന്നിവര് സംഘത്തിലുണ്ട്.
Discussion about this post