തിരുവനന്തപുരം: പശ്ചിമ ബംഗാള് ഗവര്ണര് സി.വി.ആനന്ദ ബോസ് ഭാരതീയ വിചാര കേന്ദ്രം സന്ദര്ശിച്ചു. ഭാരതീയ പൈതൃകത്തിന്റെയും ഹൈന്ദവമൂല്യങ്ങളുടെയും സൈദ്ധാന്തികനാണ് പരമേശ്വര്ജിയെന്ന് ആനന്ദ ബോസ് പറഞ്ഞു. ഭാരതീയ പാരമ്പര്യവും സംസ്കാരവും ലോകത്തിന് മുന്നില് തുറന്നു കാട്ടുന്നതില് അദ്ദേഹം ശ്രേയസ്കരമായ പങ്കുവഹിച്ചു. സമഗ്ര ഭാരതം എന്ന ആശയം വരും തലമുറയെ ബോധ്യപ്പെടുത്തുവാന് പരമേശ്വര്ജി അക്ഷീണം പ്രയത്നിച്ചുവെന്നു അദ്ദേഹം പറഞ്ഞു. ഭാരതീയ വിചാര കേന്ദ്രം ഡയറക്ടര് ആര്. സഞ്ജയന് പൊന്നാടയണിയിച്ച് ഗവര്ണറെ സ്വീകരിച്ചു. ‘പി.പരമേശ്വരന് ദിശാബോധത്തിന്റെ ദര്ശനം’ എന്ന ഗ്രന്ഥം ഗവര്ണര്ക്ക് സമ്മാനിച്ചു. ഭാരതീയ വിചാരകേന്ദ്രം സ്ഥാപക ഡയറക്ടറര് പി. പരമേശ്വരന്റെ സ്മൃതി സംഗ്രഹാലയത്തിലെ പ്രതിമയില് പുഷ്പാര്ച്ചന നടത്തിയാണ് ഗവര്ണര് മടങ്ങിയത്.
വിചാര കേന്ദ്രം ഭാരവാഹികളുമായി കൂടിക്കാഴ്ച നടത്തി. ഭാരതീയ വിചാര കേന്ദ്രം സംസ്ഥാന പ്രസിഡന്റ് ഡോ. സി.വി. ജയമണി, ഓര്ഗനൈസിംഗ് സെക്രട്ടറി വി.മഹേഷ്, അക്കാദമിക് ഡീന് ഡോ. കെ. എന്. മദുസൂദനന് പിള്ള, സംസ്ഥാന ട്രഷറര് രാജന് പിള്ള മാനേജര് എന്. വിജയന്, ജില്ലാ വര്ക്കിംഗ് പ്രസിഡന്റ് ഡോ. ലക്ഷ്മി വിജയന്, ബി ജെ പി നേതാവ് പ്രൊഫ. പി.ടി. രമ തുടങ്ങിയവര് സന്നിഹിതരായിരുന്നു.
Discussion about this post