മുന് മുഖ്യമന്ത്രിയും മുതിര്ന്ന കോണ്ഗ്രസ് നേതാവുമായ ഉമ്മന്ചാണ്ടിയുടെ നിര്യാണത്തില് അനുശോചനം അറിയിച്ച് കേന്ദ്ര വിദേശകാര്യ സഹമന്ത്രി വി മുരളീധരന്. ഫേസ്ബുക്കിലൂടെയാണ് അദ്ദേഹം അനുശോചനം രേഖപ്പെടുത്തിയത്.
“കേരള രാഷ്ട്രീയത്തിലെ സൗമ്യ മുഖവും പരിണതപ്രജ്ഞനായ ഭരണാധികാരിയുമായ, രാഷ്ട്രീയ അതികായന്റെ നഷ്ടം നികത്താനാകാത്തതാണ്. എന്നും എപ്പോഴും ജനങ്ങളോടൊപ്പം സഞ്ചരിച്ച അദ്ദേഹത്തിന്റെ പ്രവര്ത്തന ശൈലി ഒരു പാഠപുസ്തകം തന്നെയാണ്. അദ്ദേഹത്തിന്റെ ആത്മാവിന് നിത്യശാന്തി നേരുന്നു. കുടുംബത്തിന്റെയും അനുയായികളുടെയും ദുഃഖത്തില് പങ്കുചേരുന്നു” എന്ന് മുരളീധരന് ഫേസ്ബുക്ക് പോസ്റ്റില് കുറിച്ചു.
ബെംഗളൂരുവിലെ സ്വകാര്യ ആശുപത്രിയില് ചികിത്സയിലിരിക്കെ ഇന്ന് പുലര്ച്ചെയായിരുന്നു അന്ത്യം. മകന് ഉമ്മന്ചാണ്ടിയാണ് മരണ വിവരം അറിയിച്ചത്. കേരള കോണ്ഗ്രസ് രാഷ്ട്രീയത്തിലെ നാഴികകല്ലായിരുന്നു ഉമ്മന്ചാണ്ടി. 2004-ലാണ് അദ്ദേഹം ആദ്യമായി മുഖ്യമന്ത്രിയാകുന്നത്. പിന്നീട് അഞ്ച് വര്ഷം പ്രതിപക്ഷ നേതാവായും പ്രവര്ത്തിച്ചു.
2011-ല് വീണ്ടും മുഖ്യമന്ത്രിയായി. മുഖ്യമന്ത്രിയായിരിക്കെ ഇടതുപക്ഷത്തിന്റെ ആരോപണങ്ങള്ക്കും വിമര്ശനങ്ങള്ക്കും കൃത്യമായി മറുപടി നല്കുകയും ആത്മവിശ്വാസത്തോടെ നേരിടുകയും ചെയ്ത നേതാവായിരുന്നു ഉമ്മന്ചാണ്ടി.
Discussion about this post