തിരുവനന്തപുരം: ലോക്സഭ തെരഞ്ഞെടുപ്പിലെ ഇടതുമുന്നണിക്കേറ്റ പരാജയത്തിന് കാരണം ന്യൂനപക്ഷ പ്രീണനമെന്ന ആരോപണം ആവര്ത്തിച്ച് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്. ന്യൂനപക്ഷ സമുദായങ്ങള്ക്ക് രാജ്യസഭാ സീറ്റ് നല്കിയതടക്കമുള്ള നയങ്ങളുമായി സിപിഎമ്മും എല്ഡിഎഫും മുന്നോട്ടു പോയാല് കാര്യങ്ങള് കൈവിട്ടുപോകും. കാര്യങ്ങള് മനസ്സിലാക്കിയാല് പിന്നോക്ക വിഭാഗങ്ങളുടെ വോട്ട് ഫിക്സഡ് ഡെപ്പോസിറ്റ് ആയി ഉണ്ടാകും. ഇല്ലെങ്കില് കരുവന്നൂര് ബാങ്കിന്റെ അവസ്ഥയിലാകുമെന്നും അദ്ദേഹം പറഞ്ഞു.
പിന്നാക്ക വോട്ടുകള് ബിജെപിയിലേക്ക് പോയെന്ന് വിലപിക്കുകയാണ് സിപിഎം. അതിനിടയിലാണ് രാജ്യസഭാ സീറ്റ് നിര്ണയത്തിലെ അവഗണന. സിപിഐയുടെ സീറ്റ് മുസ്ലിമിനും സിപിഎമ്മിന്റേത് ക്രൈസ്തവനും നല്കി. യുഡിഎഫ് പതിവുപോലെ ലീഗിന് കൊടുത്തു. ഇരുമുന്നണിയിലും ഭൂരിപക്ഷ സമുദായങ്ങള് പുറത്തായെന്നും വെള്ളാപ്പള്ളി വ്യക്തമാക്കി. ഇത് തുറന്നു പറഞ്ഞതിന്റെ പേരില് മുസ്ലിം സംഘടനകള് തനിക്ക് വര്ഗീയ പട്ടം ചാര്ത്തുന്നു. കേരളകൗമുദി പ്രസിദ്ധീകരിച്ച ലേഖനത്തിലാണ് വെള്ളാപ്പള്ളി ഇത്തരത്തില് വിമര്ശനം ഉന്നയിച്ചിരിക്കുന്നത്.
Discussion about this post