തിരുവനന്തപുരം: കേരളത്തിലെ ജയിലുകളില് രണ്ടാഴ്ചയില് ഒരിക്കല് സായുധ പോലീസിന്റെ സാന്നിധ്യത്തില് ഫോണുകള്ക്കായി പരിശോധന നടത്തുമെന്ന് മുഖ്യമന്ത്രി പറഞ്ഞു. ഭീകരവാദശൃംഗലകളെക്കുറിച്ച് അതീവ ഗൗരവകരമായ വിഷയമാണ് എഡിജിപിയുടെ റിപ്പോര്ട്ടിലുള്ളതെന്നും മുഖ്യമന്ത്രി നിയമസഭയില് പറഞ്ഞു. മൊബൈല് ഫോണുകള് നിലവില് വന്നകാലം മുതല് ജയിലില് ലഭിക്കുന്നുണ്ടെന്നും അദ്ദേഹം സഭയെ അറിയിച്ചു.സംസ്ഥാനത്തെ ജയിലുകളിലെ ഭീകരവാദശൃംഖലകളെക്കുറിച്ച് ചര്ച്ച ചെയ്യണമെന്നാവശ്യപ്പെട്ട് പ്രതിപക്ഷ എം.എല്.എയായ രാജുഎബ്രഹാം നല്കിയ അടിയന്തര പ്രമേയനോട്ടീസിന് മറുപടി പറയുകയായിരുന്നു അദ്ദേഹം.
കണ്ണൂര് ജയിലില് തടവുകാരുടെ ശരീരപരിശോധന തടഞ്ഞത് സി.പിഎം ആണ്. എ.ഡി.ജി.പിയുടെ റിപ്പോര്ട്ട് ആദ്യം പ്രതിപക്ഷത്തിനാണോ ലഭിച്ചതെന്നും തനിക്ക് സംശയമുണ്ടെന്നും മുഖ്യന്ത്രി പറഞ്ഞു. ജയിലിലെ’ഭീകരവാദികള്’ ബന്ധപ്പെടുന്നതായി സംശയിക്കപ്പെടുന്നതിനാല് എന്.ഐ.എ ഉള്പ്പെടെയുള്ള ഏജന്സികളുടെ സഹായത്തോടെ അന്വേഷണം നടത്തണമെന്നും മുഖ്യമന്ത്രിക്ക് സമര്പ്പിച്ച റിപ്പോര്ട്ടില് പറഞ്ഞിരുന്നു.
ഐബി റോ മുതലായ ഏജന്സികള് അന്വേഷിക്കണ്ടവയാണ് പലതും. സൈബര് സെല്ലിന്റെ ആഭിമുഖ്യത്തില് ടെലിഫോണ് കോളുകളെക്കുറിച്ച് അന്വേഷണം തുടങ്ങിയതായും മുഖ്യമന്ത്രി പറഞ്ഞു. ഉപഗ്രഹ ഫോണുകള് പോലും നിരന്തരം ഉപയോഗിക്കുന്ന തരത്തില് ശക്തമായ ഭീകരവാദശൃംഖല ജയിലുകളില് പ്രവര്ത്തിക്കുന്നതായി വ്യാഴാഴ്ചയാണ് എ. ഡി. ജി. പി ഡോ. അലക്സാണ്ടര് ജേക്കബ് റിപ്പോര്ട്ട് നല്കിയത്.
Discussion about this post