കൊച്ചി: കവിയൂര് കേസില് അനഘയെ പീഡിപ്പിച്ചത് പിതാവ് നാരായണന് നമ്പൂതിരി തന്നെയാണെന്ന് സി.ബി.ഐയുടെ പുനരന്വേഷണ റിപ്പോര്ട്ടില് പറയുന്നു. മരിക്കുന്നതിന് ഒന്നോ രണ്ടോ ദിവസം മുന്പാണ് പെണ്കുട്ടി പീഡനത്തിന് ഇരയായത്. ഈ ദിവസങ്ങളില് പെണ്കുട്ടി വീടിന് പുറത്ത് പോയിട്ടില്ല. വീട്ടില്വച്ച് പിതാവ് തന്നെയാണ് പെണ്കുട്ടിയെ പീഡിപ്പിച്ചതെന്ന് പ്രത്യേക സി.ബി.ഐ കോടതിയില് അന്വേഷണസംഘം സമര്പ്പിച്ച പുനരന്വേഷണ റിപ്പോര്ട്ടില് പറയുന്നു.
സുഹൃത്തായ പെണ്കുട്ടിയോട് പിതാവ് നാരായണന് നമ്പൂതിരിയുടെ പെരുമാറ്റം മോശമായ രീതിയില് ആയിരുന്നുവെന്ന് അനഘയ്ക്ക് അറിയാമായിരുന്നുവെന്നും റിപ്പോര്ട്ടില് പരാമര്ശമുണ്ട്.
കേസില് ലതാനായരെ മാത്രം പ്രതിയാക്കി സി.ബി.ഐ നേരത്തെ റിപ്പോര്ട്ട് സമര്പ്പിച്ചിരുന്നു. ഇതിനെതിരെ ക്രൈം എഡിറ്റര് നന്ദകുമാര് നല്കിയ ഹര്ജിയിലാണ് പുനരന്വേഷണത്തിന് കോടതി ഉത്തരവിട്ടത്. 2004 സപ്തംബറില് നാരായണന് നമ്പൂതിരി, ഭാര്യ ശ്രീദേവി, മക്കളായ അനഘ, അഖില, അക്ഷയ് എന്നിവരെ വീടിനുള്ളില് ആത്മഹത്യ ചെയ്ത നിലയില് കണ്ടെത്തി. അനഘ പീഡനത്തിന് ഇരയായതായി അന്വേഷണത്തില് വ്യക്തമായിരുന്നു. പീഡനമാണ് കൂട്ട ആത്മഹത്യയിലേക്ക് നയിച്ചതെന്നും കണ്ടെത്തിയിരുന്നു.
Discussion about this post