തിരുവനന്തപുരം: ഭരണഘടനയെ ബഹുമാനിക്കുന്ന ഒരാളും സിവില്‍ കോഡിനെ എതിര്‍ക്കില്ലെന്നും ഇതുമായി ബന്ധപ്പെട്ടുള്ള ആശങ്കകള്‍ എന്തിനാണെന്ന് മനസിലാകുന്നില്ലെന്ന് കേന്ദ്രമന്ത്രി വി.മുരളീധരന്‍. മുസ്ലീം സമുദായത്തിന്റെ ആശങ്കകള്‍ ഉപയോഗിച്ച് രാഷ്ട്രീയ നേട്ടമുണ്ടാക്കാന്‍ കോണ്‍ഗ്രസും സിപിഎമ്മും നടത്തുന്ന ശ്രമങ്ങള്‍ അവസാനിപ്പിക്കണമെന്നും മുരളീധരന്‍ പറഞ്ഞു. ഏതെങ്കിലും പ്രത്യേക ജനവിഭാഗത്തിന് ബുദ്ധിമുട്ട് ഉണ്ടാകും എന്ന സിപിഎം കോണ്‍ഗ്രസ് പ്രചരണം അവസാനിപ്പിക്കണം. ഏക സിവില്‍ കോഡ് തെരഞ്ഞെടുപ്പ് വിഷയമല്ലെന്നും അദ്ദേഹം പറഞ്ഞു.
സിപിഎമ്മിന്റെയും കോണ്‍ഗ്രസിന്റെയും നേതൃത്വം അധോലോക സംഘങ്ങളെ പോലെയായി മാറിയിട്ടുണ്ട്. രാജ്യത്തിലെ നിയമങ്ങള്‍ക്ക് നേതാക്കള്‍ അല്‍പം പോലും വില കല്‍പ്പിക്കുന്നില്ല. ജി. ശക്തിധരന്‍ ഉന്നയിച്ച ആരോപണം ഗുരുതരമാണ്. ഇതിന്റെ വിശദാംശങ്ങള്‍ വെളിപ്പെടുത്താന്‍ അദ്ദേഹം തയ്യാറാകണമെന്നും അദ്ദേഹം ആവശ്യപ്പെട്ടു.
Discussion about this post