പാലക്കാട്: സംസ്ഥാന മന്ത്രിസഭയില് കോളാകമ്പനിയുടെ ഏജന്റുമാരുണ്ടെന്നും അവരെ പുറത്താക്കാന് മുഖ്യമന്ത്രി തയ്യാറാകണമെന്നും ബിജെപി സംസ്ഥാന പ്രസിഡന്റ് വി. മുരളീധരന് ആവശ്യപ്പെട്ടു. പാലക്കാട്ട് പാര്ട്ടി ജില്ലാ പ്രവര്ത്തകയോഗം ഉദ്ഘാടനം ചെയ്യുകയായിരുന്നു അദ്ദേഹം. ഇവിടത്തെ സാധാരണക്കാരായ ജനങ്ങള്ക്കും കാര്ഷിക മേഖലക്കും ദോഷകരമായ പ്രവര്ത്തനം നടത്തിയ ബഹുരാഷ്ട്ര കമ്പനിയുടെ ഏജന്റുമാര്ക്ക് മന്ത്രിസഭയില് തുടരാന് അവകാശമില്ല.
കോളാകമ്പനിക്കുവേണ്ടി ന്യായീകരണങ്ങള് നിരത്തിക്കൊണ്ട് സര്ക്കാരിന്റെ വകുപ്പു തന്നെ രംഗത്തു വന്നത് ലജ്ജാകരമാണ്. വ്യവസായമന്ത്രി ജനങ്ങള്ക്കു വേണ്ടിയല്ല മറിച്ച് കോളാകമ്പനിക്കു വേണ്ടിയാണ് പ്രവര്ത്തിക്കുന്നതെന്നത് വ്യക്തമായികഴിഞ്ഞു. കമ്പനി അടച്ചു പൂട്ടിയതുകൊണ്ട് 500 കോടിയുടെ നികുതി നഷ്ടമുണ്ടായെന്നാണ് പറയുന്നത്. എന്നാല് കമ്പനി പ്രവര്ത്തിച്ച കാലയളവില് ഏറ്റവും കൂടുതല് വില്പന നികുതി നല്കിയത് 2002ലാണ്. അത് വെറും അഞ്ച് കോടി മാത്രമാണ്. അതുപോലെ തന്നെ ആയിരക്കണക്കിനാളുകള്ക്ക് തൊഴില് നഷ്ടപ്പെട്ടതായാണ് മറ്റൊരു വാദം. എന്നാല് വെറും 37 പേര്ക്ക് മാത്രമാണ് കമ്പനി ഇവിടെ തൊഴില് നല്കിയിരുന്നത്. ശേഷിക്കുന്നവര് ലേബര് കോണ്ട്രാക്ട് വ്യവസ്ഥയിലായിരുന്നു.
കമ്പനിക്ക് അഞ്ച് ലക്ഷം ലിറ്റര് ഭൂഗര്ഭജലം ഉപയോഗിക്കാന് അനുവാദമുണ്ടെന്നാണ് മറ്റൊരു ന്യായീകരണം. യഥാര്ത്ഥത്തില് കമ്പനി ഇവിടെ അഞ്ച് ലക്ഷം ലിറ്റര് ഉത്പാദിപ്പിച്ചിരുന്നു. ഇതിനായി 15 ലക്ഷം ലിറ്റര് ജലമാണ് ചൂഷണം ചെയ്തുകൊണ്ടിരുന്നത്. ഇതില് 10 ലക്ഷം ലിറ്ററും തിരിച്ച് ഭൂമിയിലേക്കു തന്നെ വിട്ടത് മലിനീകരണം ഉണ്ടാക്കിയതായാണ് മലിനീകരണ നിയന്ത്രണ ബോര്ഡിന്റെ കണ്ടെത്തല്. വസ്തുതകള്ക്ക് നിരക്കാത്തവിധം കമ്പനിയെ ന്യായീകരിക്കാനുള്ള ശ്രമത്തിലൂടെ പാവപ്പെട്ടവരുടെയും ദുര്ബല വിഭാഗത്തിന്റെയും സംരക്ഷകരെന്ന സര്ക്കാരിന്റെ മുഖംമൂടിയാണ് അഴിഞ്ഞുവീണത്. തീവ്രവാദ കേസുകള് അട്ടിമറിക്കാനാണ് ആഭ്യന്തര വകുപ്പ് ശ്രമിക്കുന്നത്. രാഷ്ട്രീയ സംരക്ഷണത്തിലുള്ള പോലീസിലെ ചില ഉദ്യോഗസ്ഥരാണ് ഇതിനായി പ്രവര്ത്തിക്കുന്നത്. മദനി വിഷയത്തിലും, തച്ചങ്കരിയുടെ കാര്യത്തിലും ഇടത്-വലത് മുന്നണികള്ക്ക് പൂര്ണ്ണ യോജിപ്പാണുള്ളത്. സംസ്ഥാനത്ത് രൂക്ഷമായ പനിബാധമൂലം 10,000കണക്കിനാളുകള് നിത്യേന ആശുപത്രികളിലെത്തുമ്പോള് വകുപ്പു മന്ത്രി അമേരിക്കയിലേക്ക് ഉല്ലാസയാത്രക്ക് പോയിരിക്കുകയാണ്. മന്ത്രിസഭയില് ആരെന്തു ചെയ്താലും പ്രശ്നമില്ലെന്ന അവസ്ഥയിലാണ് മുഖ്യമന്ത്രിയെന്നും മുരളീധരന് ചൂണ്ടിക്കാട്ടി.
