ന്യൂഡല്ഹി: വാജ്പേയിയെ ഗാന്ധിജിയോട് ഉപമിക്കാമെങ്കില് നരേന്ദ്ര മോഡിയെ സുഭാഷ് ചന്ദ്രബോസിനോട് ഉപമിക്കാമെന്ന് ആര്എസ്എസ് നേതാവ് ഇന്ദ്രേഷ് കുമാര് പറഞ്ഞു. മോഡിയും സുഭാഷും ഒരേ നാണയത്തിന്റെ രണ്ടു വശങ്ങളാണെന്നും അദ്ദേഹം കൂട്ടിചേര്ത്തു. ആര്എസ്എസിനെ വര്ഗീയ പാര്ട്ടിയെന്നു വിളിക്കുന്നത് മണ്ടത്തരമാണെന്നും ഇന്ദ്രേഷ് കുമാര് കൂട്ടിച്ചേര്ത്തു.
ഉത്തര് പ്രദേശിലെ തെരഞ്ഞെടുപ്പ് പ്രചാരണത്തിനു നേതൃത്വം നല്കുന്നത് ആര്എസ്എസ് ആണെന്ന് അദ്ദേഹം സമ്മതിച്ചു. മോഡിയുടെ ഭാര്യ യശോദാബെന്നുമായി ബന്ധപ്പെട്ട വിഷയങ്ങളെ കുറിച്ചും ആര്എസ്എസ് നേതാവ് പ്രതികരിച്ചു. കോണ്ഗ്രസ് നേതാവ് ദിഗ്വിഗ് വിജയ്സിംഗുമായി ബന്ധപ്പെട്ട് ഉയര്ന്നുവന്നതുപോലെയുള്ള വിവാദങ്ങളോന്നും മോഡിയുടെ പേരില് വന്നിട്ടില്ലെന്നും അദ്ദേഹം പറഞ്ഞു. ലക്ഷമണന് ഊര്മ്മിളയെയും, രാമകൃഷ്ണപരമഹംസര് ശാരദേയും പിരിഞ്ഞിരുന്നതുപോലെ മോഡിയും യശോദാബെന്നും തമ്മില് പിരിഞ്ഞിരുന്നുവെന്നെയുള്ളു. മോഡിയെ മാത്രം കേന്ദ്രീകരിച്ചല്ല തെരഞ്ഞെടുപ്പ് പ്രചാരണമെന്നും വാജ്പേയിയെ കേന്ദ്രീകരിച്ചുള്ള പ്രചാരണ പ്രവര്ത്തനത്തിനും ബിജെപി തീരുമാനം എടുത്തിട്ടുണ്ടെന്നും അദ്ദേഹം വിശദമാക്കി.
Discussion about this post