ന്യൂദല്ഹി: സത്യപ്രതിജ്ഞ ചെയ്ത് മുഖ്യമന്ത്രിയായി അധികാരമേറ്റ വി.ഡി സതീശന് ആശംസകള് നേര്ന്ന് പ്രധാനമന്ത്രി നരേന്ദ്രമോദി. പുതിയ സര്ക്കാരിന് കേന്ദ്രത്തിന്റെ എല്ലാ പിന്തുണയും ഉണ്ടാകുമെന്നും മോദി ഉറപ്പ് നല്കി. എക്സ് പോസ്റ്റിലൂടെയാണ് പ്രധാനമന്ത്രി ആശംസ അറിയിച്ചത്.
‘കേരളത്തിന്റെ മുഖ്യമന്ത്രിയായി സത്യപ്രതിജ്ഞ ചെയ്ത വി.ഡി സതീശന്ജിക്ക് ഹൃദയം നിറഞ്ഞ അഭിനന്ദനങ്ങള്. അദ്ദേഹത്തിന്റെ ഭരണകാലത്തിന് എന്റെ എല്ലാ ആശംസകളും നേരുന്നു. ജനങ്ങളുടെ ആഗ്രഹങ്ങള് സഫലീകരിക്കുന്നതിനായി പുതുതായി രൂപീകൃതമായ കേരള സര്ക്കാരിന് കേന്ദ്ര സര്ക്കാരിന്റെ എല്ലാവിധ പിന്തുണയും ഉറപ്പുനല്കുന്നു’ – മോദി കുറിച്ചു.
ഇന്ന് രാവിലെ 10.15ഓടെയാണ് കേരളത്തിന്റെ പുതിയ മുഖ്യമന്ത്രിയായി വി ഡി സതീശന് സത്യപ്രതിജ്ഞ ചെയ്തത്. ദൈവനാമത്തിലായിരുന്നു സത്യപ്രതിജ്ഞ. ആദ്യ മന്ത്രിസഭായോഗത്തില് തന്നെ വാഗ്ദാനങ്ങള് പാലിച്ചാണ് പുതിയ സര്ക്കാരിന്റെ തുടക്കം. സെക്രട്ടേറിയറ്റിലെ മാധ്യമ വിലക്ക് പുനഃപരിശോധിക്കുമെന്ന ഉറപ്പും മുഖ്യമന്ത്രി നല്കിയിട്ടുണ്ട്.
